Scrub Hare
Koropa Mpfundla

© Roger de la Harpe

Vito

Koropa Mpfundla [Lepus saxatilis]

Xivumbeko

Muxaka lowu wa Mpfundla wukurile lero loko wupimiwa swikumeka leswaku leyale dzongeni kuya vupela dyambu yile ka 2.7-4.5 kg kasi leyinga enwalungwini yile ka 1.5-3.2 kg. Swirho swale henhla swina muhlovo lowu yaka eka mpun’wa kasi laha khwirini iwo basa. Mpfundla lowu wuna tindleve to leha ta mpunwa hi muhlovo kasi ncila wa wona wuva na ka ntima na ko basa leswi swivonakaku ngopfu loko wuri eku tsutsumeni.

Swakudya

Mpfundla lowu wu hanya hikudya byasi byo koma lebyinga rihlaza kambe loko kuri na ndalo wudya na matluka na timintsu ta swimilani.

Kutswalana

Kutswala swihumelela ngopfu exikarhi ka Ndzhati na Nyenyenyana, kambe waswikota kutswala nkarhi wihi na wihi wa lembe laha wutswalaka exikarhi ka nwana un’we kumbe vanharhu. Mahahlwa yakumeka ngopfu loko kuri minkarhi ya timpfula. Mpfundla waswikota kuva wutswala nahambi kuri na dyandza.

Mahanyelo

Mpfundla wutala ku famba woxe. Kasi lowu wa xisati wunga kumeka wuri na lowa xinuna ntsena himinkarhi leyi ku endliwaka vana. Laha wutalaka kuva wukumeka kona hilaha kunga na mabyasi lawa yo leha.

Laha yi Kumekaka Kona

Mpfundla wukumeka hinkwako laha tikweni ra Afrika Dzonga handle ka laha kungana swihlahla, mananga yale kusuhi nale lwandle na lomu kunga oma ngopfu e nwalungwini na vupela dyambu bya Northern Cape.

Swo Switiva

Muxaka lowu wa mpfundla wutiveka ngopfu hiku tsutsuma tsutsuma emahlweni ka movha navusiku wukari wu endla zigzag. Ku endla zigzag loko switekiwa ingaku hiloko wutiponisa kuva wukhomiwa naleswaku ndzhuti lowu endliwaku hi movha wu chavisa mpfundla swinene leswi endlaka leswaku wu cinca na ndlela.