Vito
Mhunti [Pelea capreolus]Xivumbeko
Mhunti yitika 30 Kg, laha yinga leha kufika eka 700-800 mm laha makatleni. Xiharhi lexi xolala no leha xitlhela xiva exikarhi eka muxaka wa xona. Xina tindleve to leha na nhompfu yo tontswa, xiva na voya bya wulu na khwiri robasa. Leya xinuna hiyona yiri yoxe yingana timhondzo letinga leha 150 – 250mm titlhela tiva na milayeni ya xirhendzevutani laha masunguleni.Swakudya
Xiharhi lexi xiti dyela byasi kambe xina ntolovelo wokatsa katsa swakudya. Xihlawula kusuka eka swirhabyani, timintsu, swimilani na mabilomu ngopfu ngopfu exikarhi ka June na October.Kutswalana
Mhunti yitswala hinguva yokarhi kasi masangu ya humelela ngopfu exikarhi ka February na April. N’wana un’we utswariwa endzhaku ko tika nhungu wa tinhweti.Leya xisati yinga biha mirini yisukela ntlhambi masiku manharhu yinga se tswala leswaku yita tswalela exihundleni. Endzhaku ko tswala yitumbeta nwana kuringana kuringana ntsevu wa tinhweti kusuka kwalano nwana wa humesiwa leswaku ata mamisiwa.
Mahanyelo
Nhlengeletano ya tona ayi tivikani kahle kambe swiharhi leswi swikumeka himintlawa ya 12 laha kuvaku kuri na yaxinuna, ta xisati na vanavakona. Leya xinuna yitsakela ngopfu ku famba yoxe.Titolovele ku langha ndzhawu noyi sirhelela. Endzhaku kasweswo yiendla mimpumawulo yohambana hambana. Yitlhariha ngopfu kambe loko dyambu rihisa ngopfu yitlula tlula ngopfu, yi raha raha milenge yalendzhaku.
Vutshamo
Yikumeka etintshaveni, laha kungana byasi na swiribyani hambi kuri laha kungana maribye lawa yakulu.Laha Yikumekaka Kona
Muxaka lowu wa mhunti awutalangi kambe wukumeka kun’wana na kun’wana laha yitshamaka hikurhula. Yikumeka e Eastern na Western Cape kasi ndzhawu yakahle hile vupela dyambu bya Cape Peninsula, Mpumalanga na Limpopo, tintshava ta Lesotho, Free State nale Drakensberg na le KwaZulu-Natal. Yitlhela yitsakela ngopfu tintshava, lomu korhelela na laha kungana swidziva.Leswi Dlayaka/Valala
Nghala, Yingwe, Mhinsi, Hlolwa, Nhlarhu na Jakalasi.Swo Switiva
Akuna swotala leswitivekaka hi muxaka lowu wa mhunti kambe leswitivekaka iku kuthyiwe nongonoko wa mintlangu wa Reebok brand of sports show.Vito leri rilanghiwile hikokwalaho kaleswi mhunti leyi yikotaku kuhanya kahle nale tintshaveni laha na namuntlha kunga vito roduma eka swamintlangu.