Madyelo i swimilani leswi byariwaka kumbe swimilani leswi byariwaka hi n’wamapurasi kuphamela swifuwo swa yena. Swimilani swa madyelo swingava muxaka wun’we wa swimilani kumbe mpfanganyiso wa byasi nati legumes. Ti legumes i swimilani leswinga tirhisaka nitrogen kusuka eka moya kululamisa nitrogen eka misava hi mpfuneto wati nodular bacteria eka timintsu. Kutlherisela nitrogen eka misava swivuyerisa swimilani swin’wana leswi kulaka na ti legumes.
Ndlela yo chipa swinene yaku tirhisa madyelo iku pfumelela swifuwo kuva swidya kwala nsinwini loko kungari na swakudya swin’wana swa ntumbuluko leswi kumekaka. Nkarhi wa kahle i kuva na madyelo ya rihlaza lawa yanga kona loko swakudya swantumbuluko swingari eka xiyimo xakahle. Ndlela yin’wani, madyelo yanga tshoveriwa kutani ya hlayisiwa hi xivumbeko xa hay kumbe silage.
Se, hivumbirhi nkarhi waku humelerisa ka madyelo xikan’wena nkatsakanyo wa swimilani swa madyelo i swa nkoka swinene loko ku lulamisiwa madyelo.
Swilo leswi Hlohletelaka ku Byariwa ka Madyelo
Loko ungase hlawula leswaku hiswihi swimilani leswingata byariwa eka madyelo, u fanele ku tiva swilo leswingana nhlohletelo eka nkarhi wobyala na muxaka wa swibyariwa eka madyelo lawa.
Timpfula naku tsakama
Madyelo yanga byariwa wka tindzhawu ta timpfula ta ximumu kumbe xixika? Xana nhlayo ya mpfula leyinaka hinguva yifika kwihi? Loko mpfula yiri ehansi, xana uta kota ku cheleta? Loko swingaritani, hlawula swibyariwa swa madyelo leswinga lulamela kubyariwa eka tindzhawu letinga oma.
Mahiselo
Mabyasi ya madyelo yale ka mintlawa yimbirhi kuya hi nguva leyi ya kulaka kahle swinene- hlawulaexikarhi ka byasi bya nguva leyi titimelaka kumbe byasi bya nguva leyi hisaka. Ti legumes tikula kahle hi nguva ya ximun’wana. Swingaleswi swina nkoka kutiva maxelo yale hansi nale henhla ya ndzhawu yokarhi xikan’we na loko kuriku kuna gwitsi.
Ndzhawu
Xana ndzhawu yo byalela eka yona yingava yi voyamile naswona misava yakona yinga khukhuleka loko kova na mpfula kumbe mimoya ke? Kungava ku voyamele e n’walungwini (sunnier) kumbe e Dzongeni (cooler)?
Muxaka wa misava
Xana purasi ringava riri na misava ya sandi yo vevuka kumbe yotsakama kumbe leyinga tala vumba? Xana misava yi entile kumbe ayi entangi? Xana yikota kukhoma ndzhongo kahle kumbe mati na swakudya swi lahleka hiku olova? Xikombiso, byasi bya Napier (Penisetum purpureum) na byasi bya bana (P. purpureum x P. americanum) byi kula kahle swinene eka misava leyinga tala mati. Hiku komisa, ti legume serradella tinga hanya kahle eka misava leyingariki kahle ya sandi.
Ncheleto
Xana madyelo yanga byariwa hinkarhi wa timpfula ke? Xana kungava kuri na mati ya ncheleto? Loko swiritano, xana kuta tirhisiwa ncheleto wa muxaka muni? Xana una switirhisiwa swa ncheleto ke?
Madyelo ya ndhuma yo oma e Afrika Dzonga i weeping love grass kumbe ‘oulandsgras’ hi Afrikaans (Eragrostis curvula), xikan’we Smuts finger grass na foxtail buffalo grass kumbe ‘bloubuffelsgras’ hi Afrikaans.
Eka nguva yihi?
Kusukela eka tinhweti tihi laha madyelo yangata laveka? Hi ximumu/xixika/xixikana/ximunwana kumbe nhlanganelo wa tinguva? Xana yata dyiwa kumbe ku tshoveriwa ya vekiwa?
Ku nonisa swa laveka ke?
Swina nkoka ku kambela misava loko kungase cheriwa swononisa ku tiyisisa swakudya leswi swilavekaka kumbe swingakona. Ku cheriwa ka manyoro lawa yanga lulamela swinga engetelela kukula ka madyelo xikan’we na khwalithi na kuvuyelela ka madyelo endzhaku kaku byisa swifuwo na ku kondzelela dyandza. Kutirha kahle ka swononisa swivonaka kahle eka misava ya kahle, leyinga khuhkuriweki kumbe kupfumala swakudya, leyinga heleriweki hi swakudya. Swimilani swin’wani swa madyelo swilava swinonisi swotani hi lucerne, leswi lavaka nhlayo yo ringanela ya phosphorus.
Leswi madyelo yanga tirhisiwa swona emakumu?
Xana kuta vekiwa swifuwo kuva swi dya eka madyelo lawa ke? Xana yata tirhisiwa ku byisa swifuwo, hay kumbe silage? Silage i madyelo lawa yaha ku tsemiwaka, swigandliwa kutani switshikiwa swivila.
Madyelo yanga tirhisiwa tani hi forage – madyelo ya vumbirhi endzhaku kaloko madyelo ya tsemiwile kumbe ku byiseriwa swifuwo- kumbe haylage – kufana na silage kambe kuva na ndzhongho walehansi xikan’we naku vila kuntsongo.
Eka swiharhi swihi?
Xana madyelo yata tirhiseriwa ku byisa swifuwo swotani hi tihomu, tinyimpfu, timbuti kumbe nhlengelo wa tihomu/tinyimpfu/timbuti, tihanci, alpacas, mimfpundla kumbe hambi tihuku kufana na tihuku ta xikaya? Xana vukhale bya swifuwo leswingata dya kona i swa vukhale byo tani hikwihi? Xikombiso, xana yata tirhisiwa eka swifuwo leswi humelerisaka masi, ya phamela swifuwo leswintsongo kumbe tani hi mphamelo wa swakudya kumbe swa swifuwo leswikulu?
Translated by Ike Ngobeni