Ku Voniwa ka Jakalas ya Ntima e Nhlaneni

©Shem Compion

Ku lawula kahle eka kudlawa ka swifuwo, swiharhi leswi onhaka swifanele ku lavisisiwa swikumeka. Swikoweto swa kulumiwa, kuvaviseka ka marhambu, madyelo, mikondzo na swiphemu swa voya swifanele kutekeriwa enhlokweni loko kulavisisiwa mudlayi.

Jakalas ya Ntima Enhlaneni

©Roger de la Harpe

Jakalasi yantima laha nhlaneni yilanguteka kufana na mbyana. Yina nhlana lowungana muvala wo basa laha nhlaneni, ncila wa ntima na tindleve letikulu totontswa letinga tshuka nyana. Yikula kuya fika eka 115 cm hiku leha, laha leyikulu yitikaka exikarhi ka 7 na 10 kg.
Mikondzo ya yona yifana swinene naya mbyana, yina xivumbeko xa oval naswona yikomba na minwala, laha kuleha ka nkondzo kunga leha kutlula ku anama.
Leswi i swiharhi leswi hlotaka navusiku, kuya hi nguva, swinga tifambela swoxe kumbe tani hi xirho xa ndyangu. Xikombiso xosungula xa leswaku yilulamerile masangu ikuva yi vukula yinga heti kusukela hi nhweti ya May kumbe June, ayaha vukuli ngopfu loko se yisungule rendzo roya eku tswaleni. Leswaku yinga kombeti ngopfu laha yinga kona eka valala. Loko yi vukula ni mixo na loko dyambu ritlomuta swingava swikombeta leswaku laha ti etlelaka kona i kusuhi swinene, kasi kuvukula eka nkarhi wun’wana na wunwana wa siku kungava kuri kun’wana na kun’wana laha ti hlotaka kona kumbe e makumu ka muti wa tona.
Hi nguva leyi yotswala, yiva na nkanu swinene naswona yihlongola na vana lavanga tswariwa eka nguva leyinga hundza. Ya xisati yirhwala vana kuringana 63 wa amsiku kutani yiya tswala kusukela eka August kuya eka September.
Vana vatswariwa va dzhwiharile, enkeleni. Leyi ya xisati yita tshama na vana eka mavhiki yosungula yanharhu, laha leyi ya xinuna yifambaka yilava swakudya kutani yiswitisa laha nkeleni wa tona. Minkarhi yin’wana vana va jakalasi lavanga tswariwa khale vanga pfuneta hikuya lava swakudya.
Vana varhurhiseriwa eka ndzhawu yintshwa loko se vari na 4 wa mavhiki. Vana vata tshama ekusuhi na nkele kufikela loko vakule kuringana kufamba famba na letikulu kwalomuya kava January na February. Vana va jakalasi leyi vava varinganele kutifambela voxe hikwalomuya kava March kumbe April. Endzhaku kaleswi vata tshama kusuhi na ndzhawu leyi vangayi tolovela, laha vanga tirhisa ntsena minkele loko swilava leswaku vaya tumbela.

Ma Endlelo yo Dlaya no Phamela

©Karl Svendsen

Muxaka lowu wa jakalasi wu hlongorisa xihari lexi wufaneleke wu dya xona kukondza wu xiluma laha tlhelo ka nhloko. Kungava na maselala ya meno hilaha xikarhi ka tindleve na matihlo ya xiharhi xexo kumbe Ndleve yiva yi handzukile. Masalela ya matinu yanga tlhela yakumeka endzhaku ka milenge kumbe e maveleni.

Titala ku dlaya yiharhi xin’we hinkarhi, laha swikatsaka swifuwo swofana na swinyimpfana leswinga tiyangiki na tinyimpfu letikulu xikan’we na tihomu na marhole. Jakalasi yinga hlasela homu leyinga etlela ehansi kuva yitswala kutani yidya rhole leri tswariwaka loko raha kuma, loko riri eku mameni kumbe riri exikarhi ka milenge yale ndzhaku.
Madyelo yayona ikuva yi sungula kudya hilaha hansi kumbe khwiri, yitshika dzovo leringa pfuriwa kuva ri cikinya. Kutani yisusa swalendzeni ka xifuwo kusuka emirini xikan’we naku dya nyama leyi olovaka yale ndzeni kufana na mbilu, xivindzi na tinsu. Laha makumu ka timbambu kunga dyiwa kambe kungari marhambu. Hi xitalo ati kokakoki ntsumbu kusuka laha wunga dlayeriwa kona.

Vulawuri

©Shem Compion

Vulawuri byifanele ku kongomisiwa eka ti jakalasi leti hlaselaka. Darata yo sivela ti jakalas, leyi kungadarata ya mesh leyinga kwalomu ka 1,2 m kuya e henhla laha yingana ku pfuleka ya kwalomu ka 74 mm, kumbe darata ya gezi, huwa, rivoningo kumbe swonuhela leswi chavisaka, varindzi va swifuwo, varisi xikan’we naku pfalela tihomu exivaleni na vusiku kusivela ku lawuriwa.
Van’wamapurasi lava tsakelaka ku tihlota navusiku kumbe ku hlota na timbyana kuringeta ku herisa muxaka lowu wa jakalasi lowu vangaka mpfilu mfpilu vafanele kusungula vakuma mpfumelelo kusuka eka ndzawulo ya nhlayiso wa ntumbuluko.

Translated by Ike Ngobeni