Black Rhino
Mhelembe ya ntima
Vito
Mhelembe ya ntima (Diceros bincornis sp).
Xivumbeko
Leya xinuna yi tika 1200 kg kasi leya xisati yi tika 800kg. Leswi swiendla leswaku hiswivona ku muxaka lowu wa mhelembe wuntsongo nyana eka mhelembe leyo basa. Yiya emahlweni yi hambana na leyo basa hikuva nomo wayona wale henhla wutontswile. Kasi leyo basa nhloko yayona leyi ntsongo nyana yitshama yi tlakukele ehenhla. Tindleve tayona tifana nyana na poropita titlhela tiva xirhendzevutani nyana. Misava leyi mhelembe yivumbulukaka eka yona yi kombisa swinene muhlovo wa mhelembe.
Swakudya
Xiharhi lexi xitidyela minsinya na mitsembyana. Handle kaloko kuri na kukayivela ka swakudya hikona xidyaka byasi. Marhavi ya nsinya ya kokiwa hi nomo wale henhla ya hoxiwa enonweni se ya tsemeleriwa hi matinu. Kuhunguta ka yona minsinya swiendle leswaku vativi va mbango vakota ku endla vulavisisi hindlela leyi mhelembe yidyaka ha kona na mintolovelo yayona.
Kutswalana
Timhaka ta masangu tihumelela nkarhi wihi nawihi. Loko tiri eka courtship, leya xinuna yi gemba ya xisati hi rimhondzo laha xisutini. Masangu ya mhelembe yatala kuva na nyimpi swinene. Leya xisati yi tswala rosungula loko yiri na ntlanu kumbe ntsevu wa malembe.
Mahanyelo
Loko mhelembe yitsutsuma yinga kota kufika eka 55km/h. Vulongo bya Mhelembe leyo basa byitala ku siviwa hilebya leya ntima. Ku kula ka ntlhambi wa timhelembe swiya hiku hikwihi laha kunga tala swakudya na mati. Timhelembe letintsongo leti hambukaka titala kuya tikuma tidlawile. Himinkarhi yotala mhelembe yitala ku famba yoxe naswona yinga kumeka yiri na tinwani ntsena loko kuri nkarhi wa masangu.
Laha swikumekaka kona
Nhlayo ya timhelembe leti yi hungutekile laha Afrika kusuka eka 65 000 hiva 1970 kuya eka 2 400 hi 1995 loko tihlayiwa rohetelela. Timhelembe totala tantima tikumeka ngopfu laha Afrika Dzonga, Namibia, Kenya na Zimbabwe. Muxaka lowu wutekiwa tani hilowu wunga enghozini swinene. Nhlayiso watona lowu tikaka wutekeriwa enhlokweni loko swita eka maphakelelo ya tona, laha nhlayo yintsongo yitlhelaka yikumeka nyana e dzongeni vupela dyambu bya Afrika Dzonga.
Swo switiva
Timhondzo ta timhelembe tifike eka xiyimo lexi vahlayisi valavaka kuti susa eka timhelembe hikuva ku hlotiwa katona se switinyike matimba swinene, naswona ntsengo wa rimhondzo wuya wuva nankoka swinene kutlula na swidzidziharisi. Xivangelo nkulu hileswi kungana mahungu ndlela yaleswaku rimhondzo leri rapfuna swinene eka timhaka ta masangu. Kuxavisiwa ka rona swingaka swinga yimi kufikela kucinca miehleketo ya vanhu naleswi tiko riswitivisaka swona xikanwe na vahlayisi vatona.
