Dirisa Matlho a gago
O tlhwae tsebe mme o reetse dikgogo. Ga o ka utlwa di lela (continous chirping) di sa kgaotse, itse gore go na le mathata. Go ka tswa go na le phologolo e e batlang go ditlhasela, jaaka mankgodi kgotsa noga.
Ka nako eo o tla di bona di kgaratlha mme di leka go iphitlha le ditsuenyana tsa tsone. Tlhwaya tsebe go utlwa ga di ethimola, go gotlhola, le go hema go go bokete, se se ka go belelela gore di na le bothata ha go hema, kgotsa toxic ammonia kgotsa ke ditlamorago tsa mokento o o tlabeng o difile one.
Dirisa molomo wa gago
Nkga le go latswa dijo le metsi a diphologolo. Dikgamelo tsa metsi le metsi a tsone di tshwanetswe ke go nna phepa gore le wena o kgone go nwa metsi mogo tsone. Seo se akaretse le dijo. Metsi ga a tshwanna go nna le chlorine ee kwa godimo ka seo se ka kgoreletsa dikgogo go nwa metsi ao mme tsa nna le mathata a di philo (kidney problems).
Dijo tse dinkgang bongola di ka tswa di na le di-mycotoxin mme seo se ka baka malwetse mme dikgogo di palelwe ke go nona sentle. Letswai le lentsi mo dijo le ka dira gore dikgogo ditsolle. Gopola gape gore dijo tse dintseng sebaka di latlhegelwa ke dikotla tsa tsone.
Dirisa mabogo a gago
O leke go tlhatlhoba mantle a tsone ka go a tshwara ka mabogo, mme fa o ka utlwa a le metsi kgotsa bongola, kgotsa a tiile mme a le legwata go na le bathata ba bookamedi ba mantle mme seo se ka baka malwetse kgotsa dikgobalo. Le tsne dikgogo, o ka di tlhtlhoba ka go e kuka mme o leke go utlwa mesifa ee aparetseng marapo a sefuba.
Ga e itekanetse o tla utlwa mesifa e aparetse marapo sentle. Fa e koafetse, o tla utlwa marapo a sena mesifa. Seo se tla go itsese gore a e je dijo sentle mme e a ota.
Translated by Ikalafeng Maedi