Sebentisa tindlebe takho
Lalela letinyoni. Kutjwitjwita lokuchubekako kusho kona kutsi kukhona lokungahambi kahle. Kungabakhona umtingeli, lofana ne Lukhozi noma inyoka, iphazamisa lokuthula, noma ngasiphi simo noma indlela letinyoni titosakateka tiyobhaca.
Phindze lalela kuthimula, luhleko lolungakalungi, umsindvo wenkwela emakhaleni, kukhwehlela, umsindvo longatsi wemanti noma kuphefumula ungatsi iyatala, lokungentiwa kuphefumula kalukhuni kwenta tinkinga, tigaba tebungoti be ammonia noma simo sato kumjovo wesifo se Newcastle.
Sebentisa imphumulo yakho
Uma ungakhoni kuhlala endlini yemfuyo ngenca yemoya lonukako, naletinyoni nato titobanjalo. Ticatsamela phansi kuze tifike esigabeni lesilinganako njengetinyoni, tsatsa kuphefumula lokudonsako bese unuka lomoya.
Umoya ungabe sewumusha, nanobe akukameli kubenesomiso lesifika kuletinyoni. Lutfuli lokungenako lungacansula indlela yekuphefumula kwaletinyoni iphindze itfwale ligciwane le Escherichia coli, lokungenta kutseleleka kwesibili. Liphunga lwe ammonia lelikhaliphile likhomba inking ngetimbobo tekufaka umoya, kunakekela kungcolisa/kulahla phansi noma kunatsa.
Ngaphandle kwekucansula emphumulweni, kuphindze kwente kucansula esikhumbeni noma emehlweni. Inkunga kutsi iammonia ingabe seyente kulimala endleleni yangetulu yekuphefumula kwaletinyoni ngalesikhatsi ungasewukuva kunuka. Emantjwele nguwona ayincelencele ku ammonia kunaleto tinyoni lesetikhulile.
Sebentisa umlomo wakho
Nukisa uphindze unambitse lokudla nemanti. Lakunatselwa khona kanye nalamanti kumele kuhlobe ngalokugcwele kuze wena ukhone kunatsa kuko. Kanjalo naloku lokuhlala kudla. Lamantin akukameli abesesigabeni lesisetulu kwe chlorine ngoba loku kutowenta emandla langekho ekutsatseni emanti futsi kungenta kubenetinkinga tetinso.
Kudla lokunambitsa kungatfwala imycotoxins, lokungenta tifo kuphindze kwente sisindvo lesiphansi.
Kutfola luswayi kungenta ngatsi titselwe ngemanti, le ngengucuko kungaba nendlela lengakalungi ekunakeleleni kulahla phansi. Khumbula kutsi kudla kulahlekelwa lizinga yize kusakhula phindze kukhuntse.
Sebentisa tandla takho
Tsintsa uphindze ubuke lolokulahliwe. Uma lolokulahliwe kumanti kakhulu, kucinile noma kulikhekhe, kukhona inkinga yekunganakekeli kulahla lokungenta kutsi kube netifo noma kulimala. Futsi tsatsa letinyoni tibesetandleni takho ubese uva lesimo saletinyoni ngekutsi uve emamasela lagegelete litsambo lemabele.
Enkhukhwini lephilako, lelimasela litovala lelitsambo lemabele, kepha utova lelitsambo lalamabele kahle nalelimasela lelincane lelivale incenye yinye uma tinyoni tigula, kungadli noma kungatfoli kudla lokwanele.
Translated by Phindile Malotana