Šomiša ditsebe tša gago
Theeletša dinonyana. Go tswirinya go go tšwelago pele ke taetšo ya gore selo se sengwe se phošagetše. Go ka ba le sebatana, sa go swana pekwa le noga, go tshwenya khutšo, ka ge dinonyana di tla ba di sepela ka lebelo go nyaka tšhireletšo.
Gape theeletša go ethimola, sesegwana sa fase, go hemela fase, go gohlola, modumo wa pue goba go hem aka boima, yeo e ka ba lebaka la mathata a tsela ya go hema, tekanetšo ya mpholo wa amonia goba le phetolo ya moentong wa bolwetši bja Newcastle.
Šomiša nko ya gago
Ge o sa iketle ka go dula mo tulo ya diruiwa tša maphego ka lebaka la go phošagala ga moya, dinonyana le tšona di tla ba bjalo. Kotamela fase go ba maemong ao a swanago le a dinonyana, tšea mohemo wa ka gare go tšea monkgo.
Moya o swanetše go hlweka, le ge e le gore go se be le komelelo e fihlang dinonyaneng. Lerole le le ntšhi le tla seleka tshepedišo ya go hema ya dinonyana twatši ya Escherichia coli, seo se ka išago go malwetši a mangwe. Monkgo o bogale wa amonia o laetša bothata le tsenyomoya ye e fokolago, taolo ya ditlakala goba ya senwelo.
Ntle le go ba bogale dinkong, gape e tla hlola tshelekego ya letlalo goba mahlo. Bothata ke gore amonia e tla ba e senytše tshepedišo ya go hema ya godimo ya dinonyana ka nako ye o ka e kwang ka monkgo. Ditšuwane gantšhi di tšea maikutlo a godimo go amonia go feta dinonyana tše dingwe. (Bala gantši ka ditlakala le taolo ya tsenyomoya.)
Šomiša molomo
Nkgetša le go latšwa furu le meetse. Dinwelo le meetse di swanetše go hlwekišwa go fihlela gore o kgone go nwa go tšwa go yona. E šoma bjalo le ka sejelo. Meetse ga a swanela go ba le maemo a godimo a tlelorine bjalo ka ge se se ka ba le khuetšo ye mpe ya tšeo ya meetse - gomme e ka feletša ka mathata a pshio.
Furu ye ka bago le tatso ya bokgale e ka ba le ya mpholo wa fankase, seo se ka hlolago malwetši le boima bja go fokola. Letswai le le ntšhi kudu le ka hlola dithorwana tša go koloba se se ka ba khuetšo ye mpe ya taolo ya ditlakala. Elelwa gore furu e lahlegelwa ke mohola wa phepo bjalo ka ge e le ya kgale le go ba le bokgale.
Šomiša diatla tša gago
Ikwa le go lebelela ditlakala. Ge ditlakala di kolobile go fetiša, e le thata goba e le bokuku, go na le bothata bja taolo ya ditlakala tše di ka hlolago malwetši goba dikgobalo. Gape tšea dinonyana ka diatla tša gago le go ela maemo a dinonyana ka utlwa digoba go akaretša lerapo la dikgara.
Mo kgogong e phetšego botse, digoba di tla akaretša lerapo la dikgara, eupša o tla lerapo la dikgara gabotse le akaretšo ya digoba ka lehlakoreng le lengwe le lengwe ge dinonyana di lwalago, go sa je goba go se amogela dijo tše di lekanego.
Translated by Lawrence Ndou