Ligama
Wild Date Palm, Senegal Date Palm (Phoenix reclinata)Inchazelo
Lolusundvu lwesiganga lunemacembe lamise kwetinsiba. Lolusundvu loluhlala luluhlata alukhuli kakhulu kwengca ema mitha lasitfupha ngebudze futsi livame kuvela etindzaweni letindzawonye, ngeluhlanga lunye noma lamanengi lagwenjile lavela ngetulu kwalamanye. Ligcolo lalolusundvu lwesiganga linsundvu lotopele kuya kumphunga lotopele bese lamacembe ayahwaya futsi anetibati. Emacembe amamitha lamatsatfu kuya kulamane ngebudze. Lokusalusiba kunemacenjana lamashumu lasihlanu.sisekelo semacenjana siyahlaba bese lalamanye aluhlata lotopele, lolula nalomanyatelako.Timbali tihlelekile ngendlela yemacembe lamancane laseceleni kwekugcina kweluhlanga. Lendvuna nale nsikati tisesitjalweni lesehlukile nalenye. Timbali talendvuna tiyagegeleta bese timtfubi longcolile longatsi uyaphela. Timbale talensikati tincane, tisandingilizi futsi timtfubi losa luhlata. Titselo tincane (2,3x1,4 cm) bese titalwa titinkhulu, tihlangene. Sikhumba sesitselo siyabonakala, simtfubi nasisesincane bese sinsundvu nasesikhulile nenhlanyelo yinye ngekhatsi kwaso.