Tinhlobo Tetingulube

©Elsabe Visser
The large white is a big pig with exceptional growth rate.
Ngoba ayikho inhlobo yengulube lekahle kundlula tonkhe, tonkhe tinetinkinga tato futsi khona lokukahle ngato, kuya ngemlimi kutsi yena ufunani. Nawenta lesi sincumo, akufanele uye ngekutsi wena kutsi wati ini, kepha kufanele ubuke kutsi bantfu bafuna ini, nekutsi utokhona kuniketa loko lokudzingwa nguleto tinhlobo tetingulube.
Kuhlanganisa tinhlobo tetingulube kuyentiwa kute wente inyama yengulube ibe sezingeni lelisetulu. Nemidlwane waleto tingulube letihlanganisiwe iyatsengiswa emaketse. Nati tinhlobo tetingulube letisebentiswa eSouth Africa:

Lenkhulu lemhlophe

lenanhlobo yengulube lemhlophe yemangisi yafika eSouth Africa nga1890. Njengoba ligama lisho, lena lihlobo lengulube lelinesikhumba lesimhlophe lelikhicita imidlwane lekhula kahle futsi idla kahle. Tiba bomake labakahle labangafuni lutfo ngebantfwana babo, kepha ngalesinye sikhatsi tikhula kancane, emuva kwetinyanga letingu7 kuya ku8. Letingulube letinkhulu letimhlophe ngito letitsandvwa kakhulu, ngito letihlanganiswa naletinye tinhlobo tetingulube. Natihlanganiswe naletinye tinhlobo tikhipha iBacon lemnandzi. Tikhicita tingulube letinsikati letitalana kahle.

iLandrace

©Glenneis Kriel
Landrace pigs have excellent growth rates.
iLandrace lihlobo lengulube lesuka eDenmark, inesikhumba lesimhlophe, lesitfolakala ngekuhlanganisa ingulube lenkhulu lemhlophe nengulube yase Denmark. Tacalwa talandzwa eHolland teta eSouth Africa nga 1952. Lelihlobo lengulube latiwa ngekutsi lisheshe likhule futsi lidla kahle, futsi leli lelitfutfukisiwe latiwa ngekutsi lingumake lokahle.
Kuhlolwa kwetingulube kwacalwa nga1950, lokwenta kwaba khona lushintjo lelikhombisa incubekela phambili, kwate kwafika lapho lelihlobo latiwa ngekutsi yi South African Landrace. Ngekusho kwencwadzi lebhalwe ngu David Visser, leyatiwa ngekutsi yi Modern Pig Production, inkinga yase South Africa kutsi tinematsambo latsambile, inkinga yaloku kutsi nakushisa lilanga noma kufanele tihambe tiye emaketse kubamatima.

iChester lemhlophe

©Liezel Grobler
Lelihlobo lengulube lisuka eUnited States ngekuhlanganisa iYorkshire kanye ne Lincolnshire. iChester lemhlophe yaletfwa eSouth Africa kwekucala nga1983. Lelihlobo lengulube linesikhumba les’mhlophe, lisemkhatsisini ngebukhulu kanye nematsambo lacinile. Tenta kahle etindzaweni letinyenti phindze tisebentiselwa kuba bomake labahlanganiswa nalemhlophe lenkhulu noma iLandraces. Atikho tinhlobo te Chester lemhlophe eSouth Africa.

iDuroc

©Elsabe Visser
Duroc boars are primarily used in crosses with white breeds.
Lena lihlobo lengulube lelibovu ngembala lichamuka eUnited States, etinhlobeni letine tetingulube. Yafika kwekucala eSouth Africa nga1980, kwenta kutsi kube khona lihlobo lesitsatfu, sizatfu kwentelwa kutsi kukhonwe kuhlanganiswa.
Lelihlobo linemandla, lisebentiselwa kuhlanganiswa netinhlobo letimhlophe, lekhipha bantfwana labakhula masinyane futsi inenyama lemnadzi. Inncwadzi lebitwa ngekutsi yi Modern Pig Production, icwayisa ngekutsi kufanele titsengiswe tingulube talelihlobo. Lihlobo le Duroc, likhicita inyama lencono kabi kuletinye tinyama taletinye tinhlobo. Leti tinhlobo atisibo bomake labakahle, futsi atikhoni kumelana nebumatima.

Translated by Thandokuhle Motha