Kususa likhula; likhula leliphilako lisebentisa emanti nemsoco wemhlabatsi lofanele ngabe usebentiswa tihlahla. Timphandze telikhula tiba tindze tibe ngema centimitsa lalishumi kuya emashumini lamane ngebudze.
Kutsambisa umhlabatsi losacinile ngenca yekuhamba kwetigulumba, loku kunciphisa kukhula kwetimphandze. Kutsambisa umhlabatsi kwenta khona umoya utongena emhlabatsini.
Kugcina emanti; emanti awasheshi ashe endzaweni letsambile phindze kulungisa umhlabatsi kwenta emanti angene kahle.
Kulungisa umhlabatsi kulungisa umbhedze wekuhlanyela.
Kulungisa umhlabatsi kuwenta uvundze; likhula, titjalo letivimbako, umcuba futsi namanyolo kwenta umhlabatsi uvundze.
Kushaye umoya emkhatsini wetihlahla; likhula naselikhule kakhulu livimba kutsi umoya ungangeni kahle. Loku kwenta emacembe etihlahla ahlale amanti sikhatsi lesidze loku kubanga tifo.
Translated by Thandokuhle Motha