Okulandelako kunghezinye zeenzathu zokulimokhu emasimini wamaderibe ngemva kokuhlonywa kwalo. Ukususwa kweemilo ezizimilelako kanye nokunciphisa ukuphalisana kwazo: iimilo ezinamandla ezizimilelako zisebenzisa amanzi akhona kanye neenothiso ezenzelwe isimu. Ukukhula kweminye hyemirabhu yeemilo zokuzimilela kuvamise ukuba masenthimitha angaba yi-15 ukuya kama-40 wokutjhingela; ukutjhingelokhu kufana nalokho kweenlwanyana ezidla imirabhu lapho zitholakal khona emasimini. Ukwenza bonyana ihlabathi ingaqini lokha ukutjalwa okhunye okwenze bonyana iqine ihlabathi:
Ukusebenzisa itregere evumelekileko kungenza bonyana ihlabathi iqine begodu lokho kunciphisa ukukhula kwemirabhu. Ukulimokhu kwenza bonyana ihlabathi ithambe ukwenzela umoya ungaphembetha ngepumelelo. Ukuthlogonyelwa kwamanzi waphasi: amanzi akaphuphumi nofana aphume lula ehlabathini elula nengakaqini begodu ukulimokho kukhu[phula amathuba wokungenelela ngokwaneleko kwamanzi ngesikhathi sokuthelelela kanye nalokha kuna izulu.
Ukulima kulingisela indawo yokunzinza kwembewu ngesikhathi sokutjala iintjalo zokubamba ihlabathi: Ukulima kuhlukanisa ihlabathi: iimilo ezizimilelako, iintjalo zokumbesa ihlabathi, iinothiso kanye nezinye ezihlanganiswa nehlabathi ukwenzela bonyana inothele iintjalo. Isuke ihlukaniswe ma-microbes wehlabathi ukwenzela ukubumba umsuqwa nofana isinothiso esivuthiweko. Ikhuphula ukuphembetha komoya: iimilo ezide nofana ezibanzi zivimbela ukuphembetha komoya hlangana nemithi yemaderibe. Lokhu kungabangela bonya amakari wamaderibe la ahlale amanzi isikhathi eside begodu lokho kukhuthaza amathuba wokubanjwa malwele abizwa nge-fungal diseases.
Translated by Johannes Nkosinathi