Indzawo Lenakekela Umhlaba Nendzawo Yayo lese Limpopo-Shashe

Kuphupha nge Dongola

©Roger de la Harpe
Ngenyanga yeNhlaba emnyakeni wa 2006, iNingizimu Afrika, Zimbabwe kanye ne Botswana basayina Umlayeto Wekuvisisa (UW) lochaza kutsi lokuhlangana kwabo kwekutinikela kanye nekufuna kucala Indzawo Lenakekela unmhlaba nendzawo yayo eLimpopo-Shashe. Loku kutofaka iPhakhi yeSive yase Mapungubwe, Indzawo yetilwaneiTuli lese nyakatfo eBotswana kanye ne Tuli Yendingilizi lese Zimbabwe - indzawo lephelele lengaba ngemahekitha latinkhulungwane letilikhulu,emashumi lamatsatfu nesitfupha kanye nemakhulu layimfica. Tintfo letiningi letehlukene teticephu tendzawo nato tiyacatjangwa.
Lendzaba leyacala ngeliphupho la Jan Smut'lase Dongola seligcine lefika laphelela laba yindingilizi.
Eminyakeni lemifisha, lelisu lekucala indzawo yekunakekela umhlaba nendzawo wayo kanye nalokukuwo sekube yintfo leyatiwako, sibonga kukhula kwe tekuvakasha lokufaka kufundza ngemvelo kuleyondzawo kanye nekuvikela kulimata njengentfo yemali lekutsenjelwe kiyo kutemnotfo we sive.
Lenandlela beyiphushwa liningi letisebenti, kufaka ekhatsi, Sisekelo Sephakhi Yekuthula, kantsi futsi iningizimu afrika inenhlanhla kuba nenombolo yetindzawo letivikelekile letelula emalayini epolitiki langekho. Loku kufaka: iLimpopo Lenkhulu (emkhatsini we Kruger ne Mozambique), Ai-Ais-Richtersveld (emkhatsini we SA ne Namibia), Kgalagadi (emkhatsini we SA ne Botswana), Maloti Drakensberg (emkhatsini we SA ne Lesotho), Lubombo (emkhatsini we SA ne Swaziland kanye ne Mozambique),kanye nentfo lephilako iseyincane ngemuva kwekuvundza kwelicandza noma inhlanyelo emkhatsini we Malawi ne Zambia. Nyalo kukhona iLimpopo-Shashe.

Sivikelo Ngekwemoya

©Roger de la Harpe
Lama TFCA ayasebentiseka ngoba asusa bofenisi aphindze avumele kunyakata kwamahhala emdlalo (kaye netivakashi) kwengcela endzaweni lenkhulu levulekile. Lesento phakatsi kwe SA, Zim kanye ne Bots (kubaniketa tihloko temindeni yabo) kuyintfo lenkhulukakhulu/lenhle leyiyindlela
lendze leyaphambili ekuvikeleni ngekwemoya kanye nekwenta indzawo yase Mapungubwe ibeyincane. Kukhona nemalungiselelo ekukhulumisa iUNESCO kanye nesicelo sekukhulisa Lisiko Lemhlaba eMapungubwe kufaka le TFCA lebanti.
Futsi munye angacabanga lemimangaliso ye Limpopo-Shashe TFCA. Tivakashi titokhona kubona lisiko leminyaka yelikhulu lase Mapungubwe, bese tengcela eblokhini yase Tuli kwentela isafari yetilwane letinkhulu letisihlanu, bese kuchutjukelwa eZimbabwe kuyovakashwa sigodzi sakulendzawo kanye nemimango kwentela lisiko leliphilako. Kukhona ngisho inombolo yema archaeological langatiwa endzaweni yase Botswana, lamele kuvetwa.

Translated by Phindile Malotana