Kukhona imikhicito yentsengo kufana ne oyili ye neem kanye kanye nensipho yekubulala tilwanyana longatifuni lekhona kutsi ungayisebentisa, kepha leminye imibhalo leyentiwe ekhaya ingasita kucosha tilwanyana.
Kwekufutsa kwa Garlic
Lokwekufutsa kwegarlic kubulala cishe tilwanyana letincane. Juba emacembe lamakhulu abematsatfu egarlic bese uhlanganisa nemanti labilile lalilitha kanye netipunu letincane letimbili taparaffin - kuyasita kuhlanganisa lokubhicana kwemacembe. Faka emantini emalanga lamabili; hlanganisa nemanti lamalitha lalishumi bese ufutsa kuletitjalo.Kwekufutsa kwaPelepele na Garlic
Juba emacembe lamakhulu egarlic bese usila pelepele losihlanu. Hlanganisa nelitha yinye yemanti labilile kanye netipunu letincane taparaffin. Hlalisa emantini emalanga lamabili; hlanganisa emalitha lalishumi emanti bese ufutsa kuletitjalo. Lokwekufutsa kwegarlic Kanye napelepele. Lokwekufutsa kwagarlic napelepele kubulala incumbi yetilwanyana.Kwekufutsa Umbhidvo Lohlabako
Ncutsa umbhidvo lohlabako, cishe kube sikhwama sekutsenga lesigcwele kepha kungahlangani kakhulu. Yembatsa kwekuvikela tandla ngoba kutokuluma etandleni. Yengeta emalitha lasihlanu emanti labilili bese netipunu letincane taparaffin. Shiya cishe liviki linye (kungabanjwa kuze kube yinyanga). Yengeta emalitha lamashumi lamabili emanti. Lolokuhlanganisiwe kungasetjentiswa kuletitjalo njalo ngeliviki lesibili futsi kuyatsatseka kutsi kususe tonkhe tilwanyana. Satiso: Kumele kwenteke njalo ngeliviki lesibili futsi kuyavikeleka.Khaki weSiganga
Tsatsa sikhwama sekutsenga lesigcwele khaki wesiganga (Tagetes minuta) - kupakishwe kugcwele. Tsela ngetulu emanti langemamitha lasihlanu labilile bese uhlalisa cishe liviki linye (kungagcinwa cishe kuzekube yinyanga yinye). Akudzingeki kutsi kwengetwe cishe paraffin, njengoba kukhona bo oyili labaningi bendalo khaki yesiganga. Yengeta sipunu lesincane (15ml) yensipho yekugeza titja lengemanti kanye nemanti langemamitha lamashumi lamabili. Futsa njalo evikini lesibili kwentela kucosha tilwanyana.Umlotsa weSigodvo
Umlotsa wesigodvo wasetjentiswa ngulabaphansi betfu bentela kususa tilwanyana. Kuwulungele umhlabatsi futsi kutfwele iphosphorus (P) kanye nepotassium (K). Vuvutela lokulula, lokudzala, umlotsa lowomile wesigodvo kuletitjalo. Yiba nesiciniseko kutsi lomlotsa awutsintsi letitjalo. Ungasebentisi umlotsa wemalahle. Umlotsa wesigodvo uphindze usetjentiswe kahle kakhulu kususa iminenkhe."Isuphu Yelibhungane Nesibungu"
Tfola lamabhungane noma tibungu letijutjiwe letenta tinkinga letifana nemabhungane lamtfubi kanye nalamnyama lakadla timbali noma tibungu letijutjiwe letingenta umonakalo lomkhulu. Faka lamabhungane noma tibungu entfweni bese uvala ngemanti kwentela kuticwilisa. Nyalo faka emanti lashisako ngetulu kwemabhungane noma tibungu bese wenta lecine kakhulu "isuphu yemabhungane noma yetibungu". Shiya nje emalangana lambalwa bese usebentisa njengentfo yekufutsa emacembe lafile noma tjani kugegeleta letitjalo. Lendlela isebenta ekuzameni kumisa tibungu letijubekile.Sibungusesigodvo
Sibungusesigodvo (Artemesia absinthum) sikhokha tilwanyana letimunya ijusi yetitjalo, indizisa emabhungane, timphungane, emavivane lamhlophe emakhabishi lamancane kanye neminenkhe. Yenta litiya ngesandla lesigcwele emacembe lasiliwe bese uhlanganisa nemanti labilile lalilitha.Translated by Phindile Malotana