Ayikho imikhiqizo ethengiswako efana namafutha we-nee, kanye neensibha ezibulala iinunwana, kodwana amaresibhu enziwa ekhaya angarhelebha ukuqotha iinunwana.
Ispreyi Sekonofula
Ispreyi sekonofula singabulala iinunwana ezinengi.Sika iinqephu ezintathu zekonofula uzihlanganise nelitha yinye yamanzi abilako kanye neegobho ezimbili ze-paraffini emamanzi-lokhu kurhelebha ukunamathisela ihlanganisela le emakarini. Kubiibhe amalanga amabili; hlanganisa namanzi ayi-10 litres uspreye eentjalweni.Ibilibili kanye Nekonofula
Sika amagiqa amathathu wekonofula, ugaye amabilibili amahlanu. Hlanganisa lokhu nelitha yinye yamanzi abilako kanye neegobho ezimbili ze-parafin emamanzi. Kubibhe amalanga amabili, hlanganisa namalitha alisumi wamanzi uspreye eentjalweni. Ibilibili kanye nekonofula kubulala iinunwana ezinengi.Ispreyi Sembabazane
Yikha imbabazani/stinging nettles, ezele tjhwaratjhwara godwana ungayizalisi khulu. Mbatha amahasikune ngombana nawungakawambathi uzokulunyelwa izandla. Faka amalitha amahlanu wamanzi abilako kanye neegobho ezihlanu ze-paraffin. Kulise okungasenani iveke yinye (ungakubeka inyanga). Faka amalitha ayi-20 wamanzi. Ihlanganisela le ingasetjenziswa eentjalweni qobe ngemva kweemveke ezimbili begodu kuyinzuzo ngombana kuqotha zoke iinunwana. Tjheja: kufanele yenziwe qobe ngemva kweemveke ezimbili ngombana ikhandela kwaphela.I-Khaki Bush
Zalisa i-tjhwaratjhwara nge-khaki bush (Tagetes minuta) – uvale uqinise. Thela amanzi angaba malitha amahlanu ukubeke iveke yinye (ungakubeka inyanga). Akutlhogakali bona ufake i- paraffin, ngombana inamafutha wemvelo i-khakhi bush. Faka isigobho - (15ml) yesibha senkotlelo emanzini amalitha ayi-20. Spreya qobe ngemva kweemveke ezimbili ukuqotha iinunwana.I-Wood Ash
I-Wood ash gade isetjenziswa bezimu bethu ukulawula iinunwana. Ilungele ihlabathi begodu imumethe i-phosphorus (P) kanye ne-potassium (K). Spreya, isigodo esidala esomile esisilekileko uzombelezise iintjalo. Qiniseka bona umlotha loyo awuthinti iintjalo. Ungasebenzisi umlotha wamalahle. Umlotha weenkuni ungawusebenzisa ngepumelelo ukuqotha imineke.“I-Beetle/Iinthuthuthu kanye ne-Worm Soup”
Uthelela ama-beetles kanye nama-cutworms adala imiraro afana ne-bettle ekulu esarulana kanye nenzima ekhamba ne-cutworm yinye engabanga umonakalo omkhulu. Faka ama-beetle nanyana iimbungu esimumathini uvale ngamanzi nanyana uziminzise emanzini. Njeke thela amanzi abilako phezu kwama-beetle/iinthuthuthu nanyana iimbungu wenze isobho yeembungu nanyana yenthuthuthu uzombelezise iintjalo. Iindlela le isebenza khulukhulu ekuqotheni iimbungu ezimhlobo we-cutworm.I-Wormwood
I-Wormwood (Artemisia absinthum) iqotha i-aphid, flea beetles, iimpukani, ikhabitjhi encani, amaviyaviyani amhlophe kanye neminenke. Yenza itiye ngamakhambi azele isandla uhlanganise nelitha yinye yamanzi abilako.Translated by Busisiwe Skhosana