Crested Barbet
Ligama
Crested Barbet
Kutiveta kwayo
Ngalomloyo wayo losidudla kanye nalemibalabala yayo le Crested Barbet ayiphosiseki. Lena nyoni lencane inebuso lobumtfubi nalokubovu lobunesichobo lesimnyama. Eseswini inelibala lelimtubi nalokubovu, timphiko tayo tinalokumhlophe bese inalokumnyama lokuvulekile ngasentsanyeni. Inenhloko lemtfubi bese umtimba unalokumnyama netimphiko letimhlophe, inemibhalo lebovu ngasekugcineni kwemtimba, lemibala yayo ihlangana kahle emahlatsini. Tinelibala lelibonakalako.
Kudla kwato
Le Crested Barbet idla tilwanyana,emacandza aletinye tinyoni kanye netitselo.
Kwakhiwa
Takha silulu emgodzini wesihlahla noma engadzeni. Tihlala ngebuningi futsi titsandza indzawo ngesikhatsi sekuhlangananiswa. Bukhulu bendzawo buhlukaniswa ngetindzawo tato. Emacandza atalelwa ngesikhatsi senyanga yeNyoni kuya kunyanga yeNgongoni. Kusika kulinye licandza kuya kulasihlanu emacandza latalelwako ngetikhatsi tekuhlangana. Emalanga ekufukamela atsatsa lishumi nakutsatfu kuya eshumini nesikhombisa, kucala ngelicandza lesibili noma lesitsatfu fusi kakhulu ngaletinsikati. Letincane titalwa tingcun futsi tingaboni emehlweni. Tiphiwa tilwanyana batali bato bobabili. Lokuphuma ebusweni kususwa njalonjalo. Tindiza emva kwemalanga lalishumi nakutsatfu emalanga. Angangesihlanu emantjwele labhaliwe emabhukwini ngesikhatsi sekuhlangana.
kutiphatsa kwayo
Titfolwa ngayinye noma ngatimbili. Tiyatsandza kuzubazuba emhlabatsini tifunana nekudla, tivama kukhala egaleni endzaweni levulekile. Atikavami kundiza malula futsi kuba sigaba lesimfisha. Ema Cresta Barbet ahlala emigodzini yetihlahla. Tiyatsandza kuhlabela, lomculo ubaliculo lelichubekako sikhatsi lesidze. Ema Crested Barbets anelulaka nakabona letinye tinyoni etindzaweni tato aphindze acoshe leto leticudzelana ngetilulu njengalamanye ema Barbets kanye naletinye tinyoni letifaka ema doves nema thrushes. Tiphindzwe tabhalwa kutsi tahlasela ligundvwane taphindze tabulala inyoka.
Indzawo
Emahlatsini, etigangeni kanye nasetingadzeni letisemadolobheni, emagaleni etihlahla kanye nalapho kuhamba khona imifudlana lemincane.
Lapho titfolwa khona
Ema Crested Barbet atiwakakhulu eSouthern Africa. Aphindze atfolwe eZimbabwe, Mozambique, Botswana kanye nase Northern Nambia.
