Bologwaja - Labasemkhatsini Ngemtimba-sizatfu seNtalo

© Judy Stuart

Uma ufuye bologwaja sonkhe sikhatsi uphokophela ematfubeni entsengiso. Noma nje uma ubafuye esikalini lesikhulu sentsengo kwatiwa kakhulu kutsi kusebentisa intalo lenkhulu lefana ne New Zealand Whites kanye ne Californians, kungaba nephrofithi leningi kakhulu kubuka linani lelisemkhatsini lelikabili lesizatfu sabologwaja labafuywe esikalini lesincane.
Inchubo yekufuya idzinga kudliswa lokuphansi kakhulu, njengoba labologwaja badliswa kakhulu tjani lobubutsisiwe kanye nalokuluhlata lokuphuma etibhidvweni kanye nasengadzeni yetibhidvo, bakhula kancane kakhulu kunaleto tilwane letidliswa lokutsengiwe. Loku kubanika sikhatsi sekukhula bagcwale babebadzala babenesikhumba (boya) kungake fiki sikhatsi sekuhlatjwa.
Lesikhumba lesiphuma kulogwaja lokhulile sinika lizinga lelingakagadvwa lelisetulu; ngakoke intsengo lesetulu uma kwenteka sitsengiswa noma sisetjentiswa nakukhicitwa intfo lesetulu leto tsengiswa.

Sizatfu se Ntalo Lekabili lekahle

Silver Fox

©Judy Stuart
Ema Silver foxes yintalo leyentiwe kahle eNingizimu Afrika itfwele boya lobuhle lobumunyama lobunelibadlana ngasemaceleni netinwele letindze lesimhlophe lonalokusiliva. Atala kahle futsi abomake labalungile/labakahle.
Kubaneboya lobumnyama kusho kutsi akumeli abukane nelilanga ngoba loku kugucula lelibala libe ngunsundvu longatsi lutfuli bese konakala lesikhumba/sigogo.

Beige

©Judy Stuart
Lele Beige yintalo lephatseka kahle lenesigogo lesishobelako phindze siyacwebetela nawusibamba. Inelibala leli beige kanye nelibala leliluhlata sasibhakabhaka ngetulu.

Rex

©Judy Stuart
Ema Rexes eta nemibala lehlukahlukene kusuka kulabanye bologwaja ngeboya babo. Bonkhe bologwaja banatimbili tinhlobo teboya letakha loboya. Kutotonkhe tintalo. Badzinga tindlu letibalulekile ngena yetigogo tabo letilula kakhulu, kuyenteka babenetinyawo letibuhlungu, ngako badzinga imibhedze lekahle kanye nemahhoko lahlobile ngasosonkhe sikhatsi.
Yini Lokwenta ema Rexes ahluke kunalabanye bologwaja nguloboya babo. Bonkhe bologwaja banatimbili tinhlobo tetinwele letenta boya. Kutotonkhe tintalo lesigogo sangetulu ngeletinwele leticondzile ngetulu bese lesigogo sangaphansi ngulesigogo lesimanyatelako ngaphansi kwesigogo lesingetulu. Kule Rex lesigogo sangephansi sibanti kunaleso sangetulu bese loboya buyachakaza phindze kunekuvelela lokudulile bendvwangu ye velvet.
Kumcoka kutfola lwati lwekufuya/kugcina bologwaja ngaphambi kwekutsatsa lobuhle kepha lobulukhuni babologwaja.

Satin

©Judy Stuart
Bologwaja be Satin nabo beta ngemibala leyehlukile futsi banesigogo lesicwebetelako. Loku kungoba kuma kwetinwele ngatinye letehlukile kulenye yaletintalo. Letinwele tinemakona lacijile phindze titsatsa kukhanya ngalokwehlukile. Kulula kubanakekela futsi benta bomake labakahle.

Bologwaja be Angora

©Judy Stuart
Bologwaja be Angora bayintalo lebalulekile. Abatalelwa kukhicita inyama kepha bekwenta intsambo/insontfo. Ababulalelwa lensontfo yabo kepha basuswa loboya njenge timvu kane ngemnyaka. Lensontfo ingadonswa noma ingancutfulwa kahle kulologwaja umaseyigcwele kahle. Ema Angoras achamuka ngemibala leminingi kepha ibanga umsebenti lomningi; idzinga kubrashiwa nekukhuliswa kahle njalonjalo kuvikela lensontfo kutsi ingahlangahlangani futsi igcinwe emahhokweni lanemahwayela ngetulu kwemhlaba.
Kulula kuwatalisa futsi tilwane longatsi tindzala noma letingalungeli kukhicita letingabulawa/letingancunywa bese tikhipha umtimba walefile lokahle.
Insontfo ye Angora iyanconyotwa ngekuyijikelisa ngesandla yenta kotini lomuhle longabese usetjentiswa ekukolosheni, kunitha noma ekwakheni.
Kuyadzingeka/kumcoka kubekela esondvweni leligicikako bese etifundvweni tekugicita kepha letafundvwa kanye lenandlela inganika imphilo lenhle kakhulu kuloyo lowentako noma lomfuyi.

Translated by Phindile Malotana