Xiyimo xale Xikarhi xa Mixaka ya Mpfundla leyi Fuweriwaka Swilo Swimbirhi

© Judy Stuart

Loko uri mufuwi wa mimpfundla switala kuva na nkoka kulangutisisa swinene tindlela to xavisa. Hambi leswi ku fuwa mimpfundla yotala swinga toloveleka, switele ngopfu kuva kutirhisiwa tinxaka letikulu totani hi New Zealand Whites na Californians, switala kuvuyerisa swinene loko u languta eka kufuwa mipfundla yokayinga kulanga ngopfu leyingana swikongomelo swimbirhi loko u fuwa yoka yinga talangi.
Mafuwelo yolawuleka aya lavi swakudya swotala, hikuva mimpfundla yidya swakudya swotani hi hay na rihlazaa rohuma eka matsavu xikanwe na leri kumekaka exirhapeni, yikula hikunonoka loko kupimanyisiwa na leyi fuyiwaka yifuyeriwa ku xavisiwa. Leswi swiendla leswaku yiva na nkarhi wokula kahle nova na voya bya kahle loko yinga se dlayiwa. Dzovo lerisukaka eka mpfundla lowunga kula kahle rina khwalithi yakahle swinene, leswivulaka leswaku na nxavo wa yona wuva ehenhla loko riya tirhisiwa eka ku endla switirhisiwa.

Yilulamele ku Fuweriwa Swilo Swimbirhi

Silver Fox

©Judy Stuart
Silver foxes i muxaka lowunga duma swinene e Afrika Dzonga naswona wuna voya bya kahle bya ntima na milayeni yobasa laha tlhelo. Muxaka lowu wutswala kahle ngopfu no tlhela wuva vamanana vakahle eka vana vavona. Kuva navoya bya ntima swivula leswaku awu fanelanga kuva wuhisiwa hi dyambu hikuva muhlovo lowu wuta cinca kuya eka buraweni worhosa leswinga onhaka swinene.

Beige

©Judy Stuart
Beige i muxaka wa mpfundla lowu fuyekaka hiku olova naswona wuna voya bya kahle lebyi tlhelaka byivevuka swinene. Muhlovo wakona iwa beige wutlhela wuva na ka wasi laha ehenhla.

Rex

©Judy Stuart
Rexes yita himihlovo yohambana hambana naswona yina ndhuma yova na voya bya kahle swinene. Muxaka lowu wulava ku hlayisiwa swinene hikokwalaho ka voya bya wona, naswona yitala kuva yipfimba milenge leswivulaka leswaku yifanele ku endleriwa tindhawu takahle swinene totshama eka tona. Leswi endlaka leswaku Rexes yihambana na tinxaka letinwana ta mimpfundla i voya lebyi yingana byona.
Mimpfundla hinkwayo yina tinxaka timbirhi ta voya leti hetisisaka voya bya mpfundlha. Eka tinxaka hinkwato voya byatona byilolokile kutlhela kuva na leyokoma no vevuka swinene endzeni. Eka Rex leyi yale hansi yi lehe kutlula yale henhla naswona yirhetela kahle swinene leswi twalaka leswaku hiyona leyo durha. Swiantswa ngopfu kuva munhu akuma ntokoto wo fuwa mimpfundlha loko munhu anga se sungula kuyi fuwa.

Satin

©Judy Stuart
Mpfundlha wa Satin nawona wuta hi mihlovo yohambana hambana naswona voya bya kona bya hatima swinene. Leswi swiendliwa hikuva xivumbeko xa voya lebyi xihambanile swinene na tinxaka letin’wana. Voya lebyi byina xivumbeko xa triangle naswona byikota kutlherisela kuvonakala. Swi olova ngopfu ku hlayisa muxaka lowu naswona wuhundzuka mhani wa kahle swinene eka vana va wona.

Angora Rabbits

©Judy Stuart
Angora i muxaka wohlawuleka swinene. Muxaka lowu awu fuweriwi kuva wuhumesa nyama. Ayidlayiwi kuva kuta kumeka voya bya wona kambe byikeriwa kunene kufana na nyimpfu laha byi keriwaka ka 4 hi lembe. Voya bya kona bya hluveka nale ka mpfundla wukarhi wuhanya.
Angoras yita hi mihlovo yohambana hambana naswona yina ntirho wotala swinene. Yilava kuva yikamiwa minkarhi hinkwawo leswaku voya byebyo byinga songa songani naswona yifanele kuva yivekiwa exivaleni lexingariki emisaveni kambe yifanele kutlakusiwa nyana. Swa olova swinene kufuwa muxaka lowu naswona loko se wukurile kumbe wungaha humelerisi nchumu swafanela kuva wudlawa.
Angora yi humesa wool leyitirhisiwaka eka swilo swosaseka swinene leswinga tirhisiwaka eka ku luka no rhunga hiswona. Loko u fuwile muxaka lowu swina nkoka kuva u xava muchini wa spinning no kuma vuleteri byo wutirhisa, kambe loko se uri na vuswikoti swina vutomi lebyinene eka n’wamapurasi wotani.

Translated by Ike Ngobeni