Ditšweletšwa le Tšhomišo
Ka tlwaelo seenywa sa persimmon se jewa se le foreše, go na le diintasteri tše kgolo tša persimmon, tšeo di tšweletša persimmon e omilego. Bjalo ka ge persimmons di nago le maemo a godimo a go pectin, di a šomišwa ka bophara go dira jamo le condiments, go swana le chutney le disopo tša spicy atchar.
Persimmon tannins e be e šomišwa bjalo ka sehlare sa forko, go alafa kgatelelo kua Japan gape bjalo ka sehlare sa senoko kua China, go tloga kgale. Tannins e thuša go šireletša disele le go thuša tselatshonto kgahlanong le dipakteria le divirase. Tannins e thuša gape go fokotša kgatelelo ya madi a magolo le go fokotša hlakahlakano ya megemo a nnyanenyane.
Tšweletšo ya Lefase ka Bophara
China ke batšweletši ba bagolo ba persimmons gomme ba na le maikarabelo a go feta a mabedi a peditharong a ditšweletšo tša lefase ka bophara. E be go latela ke, Japane le Korea Borwa le Spain. Dinaga tše dingwe tšeo di tšweletšago persimmons ke Israele, U.S.A., Afrika Borwa, New Zealand, Australia, Egypt le Chile.
Tšweletšo ya Afrika Borwa
Intasteri ka moka ya Afrika Borwa ya tšweletšo ya persimmon e tšwa Sharon™, leina la kgwebo sa astringent persimmon Kaki Fruit variety Diospyros Triumph ya go tuma. Mohuta wo wa astringent persimmon o be o lengwa kua Sharon Valley ka mo Israele gomme fao ke tlholego ya leina la kgwebo. Intasteri e hlomilwego ka mo Afrika Borwa ka mid-1990s, kudu ka baka la masolo a Mor ya boditšhabatšhaba, sehlopha sa Israeli seo se nago le maikarabelo a go papatša sebjalo sa Israel’s astringent persimmon. Nepo ya go hloma intasteri ya Afrika Borwa e be e le go katološa kabo ya nako ya yona ya tšweletšo mo Borwa bja Afrika. Mo ngwagasomeng ye e fetilego, intasteri e ile ya tiišetšwa go ya ka dilete tšeo di swanelago dienywa.
Sehla sa Tšweletšo
Ka Afrika Borwa, seenywa sa Sharon™ se bunwa go thoma ka magareng a Aporela go fihla mafelelong a Mei gomme se ba gona go fihla ka kgwedi ya Agostose.
Dilete tša Tšweletšo
Seemywa se tšweletšwa kudu kua Kapa-Borwa, karolo ya Kapa Bodikela gomme se išwa kalafo kua go phuthelwa le kalago mo ARISA kua buffeljagsrivier kgauswi le Swellendam ka Kapa Bodikela. Mola dikenywa tše dingwe tša Sharon™ di rekišwa mo mmarakeng ya ka nageng, bontši bja tšona di romelwago ka lewatleng ka lefelong la Cape Town.
Thomelontle
Maraka wo mogolo wa thomelontle ya seenywa sa Sharon™ mo Afrika Borwa ke Mokgatlo wa Union ya Yuropa, le bontši bja dienywa bjo bo swanetšego go romelwa kua mananeong a disuphamakete kua Leboa la Europa le United Kingdom.
Melawana ya Sethekniki - Bohlatse
Persimmons tše Foreše tšeo di romelwago go tšwa ka mo Afrika Borwa di obamela melawana yeo e hlomilwego go ya ka PPECB ya Afrika Borwa (Perishable Products Export and Control Board).
Translated by Lebogang Sewela