Themperetšha e huetšwa ke dintlha tše mmalwa tša go swana le bogodimo bja lewatle, bokgole le lewatle le mogaranafase – maemo mo methaladign yeo lefasew le dikologago go yona ya ka Leboa - Borwa bja pholanete.
Bophagamo le Themperetšha
Bophagamo, bogodimo bja lewatle, ke ntlha ye bohlokwa go kgonthiša moya wa dithemperetšha ka Aforika Borwa, go feta go ka dikhuetšo mo thempheretšheng go swana le mogaranafase. Go fa mohlala, ge o mongwe a thala mothaladi wa bohlabela bodikela go bapa le mogaranafase wa go tšwa Durban godimo ga Dithaba tša Drakensberg, palogare ya moya e ya fase ka ge o o sepela go tšwa lebopong go ya dithabeng. Palogare ya themperetšha ye, ka lebaka la go hlatloga, e ka ba 11ºC.Godimo ga moo, dithemperetšha tša fase go feta ka Aforika Borwa ga di huetšwe ke mogaranafase, eupša ke bophagamo bjalo ka ge dithemperetšha go bapa le dithaba tša godimo go feta ka mo nageng, Drakensberg, Maluti, Winterberg, Sneeuberg, Nuweveld, dithaba tša godimo tša Kapa Bohlabela le ka Karoo, laetša.
Nagafase ya Mpumalanga le Profense ya Limpopo, le Moedi wa Noka ya Limpopo, ke mafelo a magolo kudu a tšweletšo ya merogo ka Aforika Borwa. Mafelo a a bohlokwa go fetiša, kudu ka marega ge dithemperetšha ka mafelong a mangwe a mantšhi ka Aforika Borwa di sa swanelago tšweletšo ya merogo. Nagafase le karolo ya leboa ya Profense ya Limpopo ke mafelo magolo a tšweletšo ya dienywa ka molatšatšing le matokomane. Mafelo a, kudukudu Nagafase, ka ditlhatlošetšo tša fasana go feta bokagareng bja naga a mangwe a Aforika Borwa le a tsebjago bjalo ka go ba mafelo a go fiša kudu.
Ntlha ye bohlokwa kudu ke gore palogare thempheretšha ya letšatši le letšatši ya marega, go fa mohlala. Mosegamane, ya dikarolo tša leboa la Profense ya Limpopo, le kudukudu Nagafaseng, ke ya godimo go fihla 6ºC godimo go feta ka Kapa Leboa le mafelong a Profenseng ya Northwest - mafelo a mangwe a borutho kudu a mabedi a Aforika Borwa.
Se bohlokwa kudu, dithemperetšha tša bofase mo marega di godimo ka boruthonyana ka 10ºC go feta ka Profenseng tša Kapa Leboa le Northwest.
Themperetšha le Lewatle
Meetse a na le bokgoni bja godimo bja phiš go feta maswika le diminerale. Se se ra gore meetse a tšea sebaka se se telele go fiša le go tonya go feta lefase. Ka fao, mawatle a na le kheutšo e kgolo ya tekanyetšo mo themperetšheng ya moya a mafelo a lebopo.Ka selemo, go fa mohlala, ka Pherikgong, dithemperetšha tša mosegare go bapa le lebopo ke tša fase go feta tšeo di lego ka bokagareng bja naga, ka ntle le mafelo a ditlhatlošetšo tša godimo. Marega, go fa mohlala, ka Mosegamane, dithempheretšha tša mosegare ka mafelo a ka lebopong ke tša godimo go feta tšeo di lego ka bokagareng bja naga, ka ntle le Nagafaseng, dikarolo tša leboa la Profense ya Limpopo, Moeding wa Limpopo le mafelo a ka gare ga naga a leboa la Pretoria.
Eupša mafelo a fodilego a ka lebopong la bodikela, moo bontšhi bja matapola le dibjalo tše dingwe di bjalwago ka fase ga nošetšo, a na le dithemperetšha tša godimo tša marega go feta bokagareng bja naga, ntle le mafelo ao a boletšwego ka mo godimo. Lebopo la ka bodikela le ka fase ga khuetšo ya phefo ya Benguela ye e fišago, yeo e elelago go leba leboa go bapa le lebopo go tšwa ka seleteng sa lehlwa sa kgole ka borwa.
Themperetšha, kudukudu ya KwaZulu-Natala go bapela le lebopo e huetšwa ke phefo ye borutho ya Mozambique, lekala la phefo ya Agulhas, yeo e elelago go leba thokong ya borwa go tšwa garafaseng. Dithemperetšha tša godimo ka go kwagala go bapa le lebopo la bohlabela di dumelela kgetho ya mehutahuta ya dibjalo.
Translated by Lawrence Ndou