Difankase ka Botlalo
Fankase ka sephedi se se nnyane sa go bonwa ka maekhroskoupo sa go swana le sebjalo. E na le lešobana la fankase gomme ka morago ga go mela gape go tšwa go difilamente tša difankase tša go naba. Gantšhi e mela ka pela ka fase ga maemo a go fiša a monola le sebopego sa mašobana a fankase ao a phatlaladitšwego ke phefo le meetse. Mohlala wo mo botse wa fankase ke mouta o melago mo borothong ge bo bolokilwe ka mokotleng wa polastiki matšatši a mmalwa. Go monola e bile go a fiša ka gare ga mokotla ke maikemišetšo a go mela ga mašobana.Mašobana a fankase a fokelwa goba go gašwa godimo ga letlakala le kolobilego la moterebe, mohlaka goba seboka sa terebe le go mela ka fase ga maemo a monola. E tsenelela letlakaleng ka stoma (lešobana le hweditšwego ka legeng ya ka ntle ya matlakala), goba bogodimo bja letlakala. Fankase e ja disele tša dibjalo gomme tša nabela ka mahlakoreng ka moka, e goga phepo le gomme disele di fetoga go ba botsothwa goba bosehla. Letlalo le le hwilego le ba botsothwa ka morago le ba boso le bošweu le difilamente tša go naba tša boyana di gola ga tšwa go stoma. Fankase e ka nna e sa bonale dikarolong tša dibjalong tše di tšhilafaditšwego, mo fase, goba le ge e ka ba ka mahloneng.
Ge e le gore phetetšo e šetše e diragetše, difankase ga go bonolo go di laola, eupša taolo ye botse e ya hwetšwa ka go ikgokaganya le dibolayafankase. Tshepedišo ya dibolayafankase di monwa ke dibjalo gomme e bolaya difankase go tšwa ka gare ga sebjalo. Malwetši a a tlwaelegilego kudu a difankase ke phoka ya lerole ya ka magareng (oidium), phoka ya ka fasana ya magareng (Plasmopara viticola), bolwetši bja seatla (streepvlek - Phomopsis viticola), botrytis (vaalvrot), eutypa dieback (tandpyn) le ‘selo sa boso sa mamina’ (wortelvrot).Translated by Lawrence Ndou