Mabele a bohlokwa go feta a marega ke korong, canola le garase ya go ba le momela, ka bontšhi bja tše di tšweletšwa ka mafelong a pula e nago marega a Aforika Borwa – Kapa Bodikela. Tšweletšo ka mo profenseng ye e diragala ka Borwa bja Kapa le Swartland, moo korong ka tlwaelo e bopago matseno a amogelegago.
Ka dikgetho tša dibjalo go fetošwapšalo le korong, gantšhi balemirui ba rua diruiwa, tša go swana le dinku goba dikgomo, go oketša mohola wa go fepa dibjalo tša furu ka phetošopšalo, go swana le lusereng, tša kalafo le dinawa tše di bitšwago lupine.
Korong
Afrika Borwa ke morekantle wa korong, go rago gore re swanetše go iša kantle bontšhi bjo bogolo bja korong go tlaleletša tlhaelelo ya tšweletšo ya ka gae. Lefelong la tšweletšo le fokotšegile kudu mo mengwageng, ka lebaka la go dira matsena a fokolago le dikgonagalokotsi tša godimo tše di amanago le tšweletšo, mola bontšhi bjo tšweleditšwego godimo ga hektare bo oketšegile ka ditebogo go dithekniki tše di kaonafaditšwego tša bolemirui le bokgoni.
Korong e tšweletšwago Aforika Borwa bophara, le ge e le gore ka bontšhi bjo bonnyane kudu ka diprofenseng tše dingwe, e ka ba e le ka mašemong ao a omilego goba ka fase ga nošetšo.
Freistata ke lefelo la pula e nago selemo yeo e tlwaetšego go bonwa bjalo ka seroto sa borotho sa naga, ka lebaka la bontšhi bja godimo moo, eupša tšweletšo ka seleteng e ile fase kudu mo ngwagasomeng wo o fetilego ka ge balemirui ba kgethile dibjalo tša bokgoni bja letseno la godimo bja le dikgonagalokotsi tše fasana.
Ka dikgetho tša tšweletšo ye e lekanyeditšwego, Kapa Bodikela ka lefelong fao pula e nago marega, yeo e akaretšago Swartland le Borwa bja Kapa, di setše di fitile tema ye gomme bjale di tšea maikarabelo a e ka bago seripagare sa palomoka ya lefelo la tšweletšo ka Aforika Borwa. Korong ka profenseng e tšweletšwa ka fase ga maemo a mašemo ao a omilego.
Canola
Tšweletšo ya Canola ke dibjalo tša marega gomme gantšhi tša go tšweletšwa ka fao lefelo leo pula e nago marega – Kapa Bodikela. Diteko tše le ge go le bjalo di oketša go hlaola mafelo a mangwe gape go tšweletša dibjalo tše, ka lebaka la nyakego ye e golago ya oli ya canola.
Tšweletšo e be e tlwaetše go ye e fokotšegilego go feta tšweletšo ya korong, ka fao balemirui gantšhi ba e bjetše ka lebaka la mehola ya yona bjalo ka sebjalo sa phetošopšalo. E thuša go fediša go roba maboo a malwetši a amanago le tšweletšo ya Korong bjalo ka ya go lemilwa e le tee le go dumelela balemirui go phetošabjala dithibelasenyi tša tšona ka taolo ya ngwang ye e kaonafetšego. Mešomo le ge go le bjalo e na le dipoelo tše di kaonafaditšwego tša canola, di e fetolela go sebjala se se nago le moholo go se bjala ka tokelo ya boyona.
Garase Ya Go Ba Momela
Garase e bjalwa ka Aforika Borwa ka mabaka a go ba momela, bjalo ka mohola wa yona bjalo ka furu e sa lokafatše dikotsi tša go amana le tšweletšo. Bontšhi bja garase bo rekišetšwa titielo ye kgolo, AB Inbev. Mola bontšhi bjo bo nnyane bo ka rekišetšwa dititielo tše nnyane, se ka tlwaelo se dire hlaloganyo ya tša kgwebo.
Garase e bjalwa ka fase ga nošetšo ka Kapa Leboa le ka mašemong ao a omilego ka Borwa bja Kapa. Go hwetšagala ga mehuta ye mefša go dirile gore tšweletšo bjale e katološwe go ya ka Swartland ka Kapa Bodikela.
Translated by Lawrence Ndou