Balemirui ba bantšhi ba efoga mošomo wa go boloka direkoto ka ge e ka ba wa go la nako. Le ge go le bjalo, ke mošomo wo o bohlokwa go ba molemi yo mokaone.
Dipanka, dietšentshi tša mmušo le babjadi ba ditšhelete ba nyako poloko ya direkoto ya polase ye botse pele ga ge tšhelete goba kadimo ya tšhelete e tla ba gona. Godimo ga moo, poloko ya direkoto ye botse e tla thuša molemi go beakanya le go peakanyo ye e botse le diponelepele tše di nepagetšego.
Go boloka direkoto tša pula le dipaterone tša boso go ka thuša balemirui go bonelapele boso bja sehla sa pjalo se se tlago. Ge bo le direkoto tša ditshenyegelo le ditseno go ka thuša ka peakanyo ya ditšhelete.
Go boloka rekoto ka ga kelo ya tlhogo ya peu ye e rekilwego ka sehla se go ka thuša molemirui go kgetha peu ye kaone ya sehla se se latelago. Mo lebakeng la diruiwa, go swanetše go ba le poloko ya direkoto tša lelapa, disenyi le malwetši, mehuta ya furu le tirišo ya yona. Se se ka thuša go thibela tswadišogare, go laola disenyi le malwetši kaone le go aba furu ye e koane ya kgolo ye e kaonafaditšwego.
Ke eng Direkoto tša Polasa?
Direkoto tša polasa ka tlwaelo di akaretša ditokomane tša go swana le lenaneo la go swarega, phokotšegotheko, dirasiti le dikoloto, direkoto tša bašomi, dintlha tša metšhene, tšweletšo ye e swaregago le bjalobjalo.O ka Thoma go Boloka Direkoto bjang?
Go boloka direkoto ka polaseng e swanetše go akaretša thoto, tekanyo ya letlotlo (le phokotšegotheko) le rekote ya diakhaonte. Letlotlo ke se sengwe le se sengwe se se ka fetolelwago go tšhelete.Thoto
Dira lenaneo la dithoto tša go swarega ka moka tša mo polaseng le boleng bja tšona ka Ranta. Mehlala ya matlotlo ke naga, meago, metšhene ya mo polaseng, dibjalo tša go bunwa, dibjalo mo tšhemong le diruiwa.
Kelo ya thoto
Kgato ya bobedi ka go boloka direkoto ke kelo ya thoto – ye e bolelwago ka Diranta. Mokgwa wo o šomišitšwego go ya ka kelo ya thoto o theilwe godimo ga tlhago ya thoto le maikemišetšo, eupša e ba le bonnete bja gore o šomiša mokgwa wa go swana ngwaga wo mongwe le wo mongwe.
Rekoto ya diakhaonte
Letseno ka moka le tshenyagalelo ya polasa di swanetše go ngwalwa.
Mekgwa ya go Bona Kelo ya Thoto
Mekgwa ya go bona kelo ya thoto ye e šomišwago ka kakaretšo ke:Mohola wa maraka
Thoto e ka kelwa ka thekišo ya gonabjale. Ye e šomišwago go bona mohola wa thoto le dibjalo.
Tshenyagalelo
Mokgwa wo o šomiša tshenyagalelo ya go reka thoto ya setlogo gomme e šoma bokaone ka ditlabakelo tša go swana le makhura le furu tšeo di tšwago go rekwa gomme di sa na le ditheko tša go reka.
Dithoto tšeo di lahlegelwago ke mohola go ya ka nako ka ge dirišwapolaseng di holwa ka go fapana.
Ditshenyegelo tše di fasana goba theko ya mmaraka
Mokgwa wo o hola selo bobedi ka mokgwa wa ditheko tša setlogo wa yona le mohola wa mmaraka. Mohola wa fasefase o a kgethiwa.
Ditshenyegelo mabapi le tšweletšo ka polaseng
Mokgwa wo o šomišwa mo dibjalong tšeo di bjetšwego, eupša ga di se tša bunwa.
Ditshenyegelo, go ntšha phokotšegotheko
Mokgwa wo o šomišwa dilong tše di šomišwago ka tshepetšo ya tšweletšo, eupša di lahlegelwa ke mohola ka go ya ga nako go swana le metšhene. Mohola wa yona o fokotšwa ke palo ya phokotšegotheko ka ngwaga.
Phokotšegotheko ke Eng?
Go boloka direkoto ka polaseng go swanetše go bea phokotšegotheko ya dithoto leihlo.Phokotšegotheko e bolela ka phokotšego ka boleng bja dithoto tša go swana le dinamelwa, metšhene le didirišwa.
Tahlegelo ya boleng ke ka lebaka la go ya ka mengwaga, konalo le tshenyego le go hloka mohola. Tshenyegelotheko ga se ya tshenyegelo ya go swarega ya tšhelete eupša go fokotšega ga boleng bja thoto yeo e phumotšwego ka bophelong ka moka bo bo letetšwego bja letlotlo.
Direkoto tša Diakhaonte
Kgonthe ya go boloka direketo tša ditšhelete ka polaseng, e bohlokwa kudu go bea letseno ka moka leihlo le ditshenyegelo ka polaseng. E ba le direkoto ka bongwe bja letseno le tshenyegelo ya kgwebo ye nngwe le ye nngwe mo polaseng. Go fa mohlala, go boloka direkoto tše di aroganego tša lehea le matapola.Tshepedišo ya go boloka direkoto e a nyakega go bala ditsenofela tša polasa le letseno la ngwaga wa ditšhelete, go sekaseka tshepelo ya tšhelete, go hloma ditekanyetšo tša ka moso le go bea leihlo setšweletšwa se sengwe le se sengwe le netefatša gore se tšweletšwa ka tšhelete ye e sego ye ntšhi kudu.
Methopo yeo ya rekoto ya diakhaonto e ka hwetšwago e akaretša:
Ditatamente tša panka
Puku ya ditshekatsheko tša tšhelete - go akaretša dirasiti le ditefo mo.
Puku ya tšhelete ye nnyane – ke thekisetšanyo ya tšhelete ya go swarega fela tše di ngwadilwego ka pukung ye.
Puku ya megolo – e laetša megolo ye e patetšwego, dikoloto le ditefelo.
Puku ya peeletšo – diresiti ka moka tša tšhelete ye e swaregago di swanetše go ngwalwa mo.
Bohlatse bja tefo, diboutšhara tša dikoloto, ditatamente, mananeotefišo le dilipi tša kabo ya ditirelo.
Ditatamente tša Ditšhelete le Go Boloka Direkoto
Direkoto tša ka polaseng tšeo di šomišwago go ngwala ditatamente tša ditšhelete. Ditatamente tša ditšhelete di akaretša lenanetekanyetšo, statamente sa matseno le tshepelo ya tšhelete ye e saregago.Lenanetekanyetšo le bontšha seo polasa e se kolotago le seo dipolasa se lego beng ba sona le go fa kakaretšo ya polasa ka karolo ya maemo a ditšhelete mo nakong ye e filwego.
Setatamente sa letseno se bontšha ditshenyegele le letseno go tšwa lenanetekanyetšo le lengwe go ya go le lengwe. Setatamente sa kelo ya tšhelete ye e swaregago se bontšha tshepelo ya tšhelete ye e swaregago go tsena ka polasa le go tšwa ka polaseng.
Translated by Lawrence Ndou