Dimpša di ka sepela kilometers go swara diruiwa le go gaša tshenyo. Batho ba bantši ba tsebe dilo tše mpe tše dimpša tša bona di dirago. Le kua Cape Town go bile le dipego tša dimpša di hloma dihlopha gomme di hlama tshenyo mo Table Mountain ge beng ba tšona ba ile mošomong. E tloga e le bothata kudu ge dipolasa di le kgauswi le mafelo a bodulo.
Go Bolaya le Mokgwa wa Phepo
Dimpša dibatana tše kotsi. Di loma le go kgaolo ditsongwa tša yona ka go se kgethe, ga go na mokgwa wa go tlwaelega. Gantši go tla ba le mehlala ye mentši, bjalo ka ge dimpša di rata go ketimidiša le go loma ditsongwa tša yona mola di kitima ga thoko le tšona. Dikwana tše nnyane gantši di lomiwa mo sehubeng, ka morago goba mafahleng, mo hlogong, mola dikwana tše kgolo goba dinku di lomiwa kae goba kae mo mmeleng. Go longwa go ka bonwa gape morago ga matolo, hlogo, mafela, molala goba mathoko a setsongwa.Kakaretšo polao e bošaedi – ga se gantši di lebelelega di hlwekile goba bothakga go swana le dibata tša thlago. Carcass e gogelwa ka dithoko. Tshenyo e a phatlala le go tsenelela gomme diphoofolo tšeo ntši di a bolawa.
Gantši mehlala ya maoto e na le go gakanega le ya lepogo, eupša karolo ya morago karolo ya mohlala e hlokagogo sebopego sa W sa lapeng ya dikatse.
Palo ya nama ye e lewago e a fapana, go tloga go se jewe sepe go ya go palo ye kgolo. Gantši phepo e dirwa ka morago, ka diripa tše kgolo go tšwa go carcass di gogwa. Marapo a magolo a tla sohlwa goba a lewa gomme wulu ye ntši e ka phatlalatšwa gohle. Dikarolo tše kgolo tša letlalo di ka gagolwa go tšwa go ditsongwa.
Taolo
Ge mathata a hlaga, go kaone go akaretša the Society for the Prevention of Cruelty to Animals (SPCA). Dipolasa tša dimpša di swanetše go twalelwa bošego, go fepša gabotse le go se dumelelwe go sepela di sa lebelelwa go šitiša gore di fetoge go ba bothata.
Dimpša tša setrata di ka hwetšwa ka molaba wa serobe. Molemi o na le tokelo ya semolao go thuntšha mpša mo polaseng ya gagwe go šireletša diruiwa tša gagwe.Translated by Lebogang Sewela