White-fronted Plover
Inyoni yeligu
Igama
Inyoni yeligu (White-fronted Plover)
Igama lesi-Latin
Charadrius marginatus
Umndenazo
Charadriidae
Ubude
9 cm
Indawo yokuhlala/ ikhaya lazo
Zivame khulu ehlabathini eseqadi kwamanzi, emabodeni kanye nehlabathini yomlambo lapho zitholakala ngayinye nofana ngeenqhema ezincani.
Isililo senyoni
Naziphaphako zenza itjhada elithambathambileko elithi: 'wit' nofana 'twit' nofana 'twirit' kanye nalelo elihlabako begodu eliphezulu elithi: 'kittup' nofana elide evamise ukulidosa elithi; 'churr'.
Ukuhlangana neduna nokubekelisana
Zibekelisana kesinye nesinye isikhathi sonyaka, kodwana lokhu zikwenza khulu phakathi kwenyanga kaRhoboyi kanye noKhukhululamungu. Amaqandazo avamise ukumbeswa yihlabathi ephetjhulwe momoya ngesikhathi samalanga anomtjhiso omnengi. Kuvamise ukuba maqanda amabili, wamahlangothi amabili anqophileko, bese libe namatshwayo wemida yombala ozotho sahlabathi arhatjheke phezukwawo. Ukufukama kuthatha amalanga amasumi amabili nekhomba ukuya emasumini amathathu natathu. Ukuhlala esidlekeni nokusingatha amadzinyana kuthatha amalanga amasumi amathathu nahlamu ukuya emasumini amathathu nobunane.
Ihlathululo ngamadzinyanazo
Amadzinyanazo akanawo umbala onzima ehloko, kodwana anomuda ovundla nentamo. Ambeswe mbala omlotha encenyeni ephezulu yomzimba, kanye namacatjhazana anzima akha umuda ukwehlela ekabeni yombala womqhelo onzima, iindlebe, kanye namahlangothi wobunzima, kanye nencenye yelingaphasi elimhlophe.
Ihlathululo ngezidala
Eduna inombala womuda onzima ngemva kelihlo begodu kuvame ukuba namacatjhazana anzotho nofana amnyama emahlangothini wesifuba sayo. Lezo zeTjhingalanga Kapa zinombala omhlophe emathunjini kanye nombala omlotha okuqarheke ngozotho emhlana. Kukhe kwabonakala imihlobo emibili. Inamehlo wombala ozotho kanye nomlomo nemilenze enzima.
Ubujamo/ isikhundla
Imhlali ojayelekileko.
Ukusabalala nokwabeka kwazo
Zimhlobo weligwini, kodwana kukhe kwagadangiswa ukutholakala kwazo emilanjeni emikhulu kanye nesihlengeleni samachibi.
