Artificial Insemination Enkomeni Zebisi
Ukobana iinkomo zakho zimithe, ungasebenzisa ikunzi. Nanyana kunjalo, ukobana ubeke ikunzi emhlambini omncani kuyabiza begodu kuvamise ukwenza imiraro yokuzitlhogomela. Ngombana iinkabi zingalwa, njeke kufanele zibekwe ngokuhlukana begodu zitlhoga nokuphiwa ukudla. Ukungezelela, ngokusebenzisa ikunzi yinye ngeskhathi soke kwenza bona ube neenkomo ezinesotja yinye. Kade abafuyi gade babelana ngeenkunzi, kodwana lokhu kungabanga amalwelwe wokubeletha ukobana arhatjheke bese iinkomo azisabelethi. Ngebangeli kwatlanywa i- artificial insemination (AI).I-Artificial insemination ayibizi kunokusebenzisa ikunzi, yindlela elula efaka hlangana ukufakwa kwesidoda sekunzi ngesikhathi esilungileko kanye nendawo elungileko ngaphakathi kwesitho sangasese senkomazi yebisi ukwenzela bona imithe.
I-Artificial insemination yeenkomo yindlela esetjenziswako lapha kurhweba ngebisi ngehloso yokwenza inzuzo. Indlela yokwabelana ngesotja iphezulu lokha nakusetjenziswa i- AI. Lokhu kungombana kusetjenziswa isidoda semihlobo eminengi yeenkunzi ngenani eliphasi kunokufuya ikunzi. Nanyana kunjalo, lokha nakusetjenziswa i- AI. Ukuvunda kwekomo yebisi kuya ngerhono labantu ukubona lokha ikomo itjhisa. Begodu batlhoga ukwazi ukobana sifakwa njani isidoda sekunzi ekomazini begodu nesikhathi esihle sokwenza lokho kanye nendawo yokwenzela lokho. Ukwenza i- AI kufundiswa ngemfundo bandulo ezithatha amalanga amabili, nanyana ungakufunda kudorhodere weenlwane. Amanye amabubulo asabalalisa nanyana athengisa isidoda seenkunzi, bakwenzele i- AI smahla, begodu abanye abodorhodere beenlwane bangakwenzela i- AI.Translated by Lizzy Shongwe