Umkhiqizo Wephasi
Abakhiqizi abakhulu bamadiribe wetafuleni batholakala e-Northern Hemisphere. Inarha ekhiqiza umthamo omnengi wamadiribe wetafuleni kuze kube kunje yi-China ilandelwe yiNdiya, Uzbekistan, Italy kanye ne-United States. E-Southern Hemisphere, abakhiqizi abakhulu yi-Chile, Brazil, Australia kanye neSewula Africa.
Umkhiqizo weSewula Africa
I-Sewula Africa sele ikhiqize beyathumela amadiribe wetafuleni isikhathi esidlula i-century. Ibubulweli likhiqiza amadiribe khulukhulu ngomncopho wokuwathengisela iinarha zangaphandle begodu iragela phambili ngokukhula kancani kancani nyaka nonyaka. Amadiribe akhiqizwa eSewula Africa ukusukela phakathi kwakaSinyikhaba ukufikela phakathi kwakaSihlabantangana.
Iindawo Eziwakhiqizako
Kunendawo nanyana iimfunda ezihlanu ezikhiqiza amadiribe eSewula Africa. Ukuvunwa kwamadiribe kuthoma esifundeni sinye bese kufuduka lokha nakathuthukako. Isifunda esikhiqiza msinya khulu ngeseMpumalanga kanye neLimpopo lapha ukuvunwa kwawo kuthoma ngoSinyikhaba. Lokhu kulandelwa yi-Orange River esesifundeni se-Northern Cape ukusukela lada ngoSinyikhaba, bese kufudukela e-Olifants River lapha avunwa kusukela phakathi kwakaNobayeni. Iimfunda zokugcina ezimbili yi-Berg River kanye ne-Hex River lapha kuzimfunda lapha ukuvuna kuthoma lada phakathi kwakaNobayeni. Isifunda esikhiqiza lada yi-Hex River Valley, lapha ukuvunaa kuragela phambili kuze kufike uSihlabantangana.
Imihlobo Yawo
Ibubulo lamadiribe weSewula Africa wetafuleni sele linobudala obuyi-century begodu lisakhamba phambili ngamatjhuguluko. Kungebanga lokuzimisela kwabakhiqizi bawo kanye namabubulo aphathelene neze-intellectual property kanye nabatjali, nabawathumela eenarheni zangaphandle abazimisele ukulethela abathengi babo umkhiqizo okhamba phambili, okwenza bona kuthulwe imihlobo yamadiribe amatjha, nasele enziwe nqcono ebakhiqizini bawo benarha le nebenarheni zangaphandle, okwenza bona ibubulo leli likhambe phambili ngethekunoloji.
Ukuthengiswa Kwawo
Amadiribe weSewula Africa athunyelwa kwezinye iinarha ze–Africa, South East Asia, China, Middle East, Indian Ocean, Islands, European Union, United Kingdom, Russian Federation, Canada kanye ne-USA. Ubunengi bamadiribe ethunyelwa eenarheni zeSewula Africa usaya eemarageni zesintu eziqakathekileko e-Europe kanye ne-UK. Pheze incenye yamadiribe weSewula Africa athunyelwa enarheni ye-Europe begodu i-25% ithunyelwa ngomkhumbi e-United Kingdom.
Ukusetjenziswa
Amadiribe wetafuleni adliwa afretjhi njengesthelo nanyana asetjenziselwe ukwenza amasaladi nanyana adliwe nama-platter wetjhizi. Amadiribe la amnotho omuhle we-Vitamin C kanye ne-K kanye namanye amavithamini nezakhimzimba. Amadiribe azele ama-antioxidant, ekubalwa hlangana nawo i-resveratrol kanye ne-flavonoids ekumthiya odliwako.
Translated by Busisiwe Skhosana