Vuhumelerisi Emisaveni Hinkwayo
Vahumelerisi nkulu va madiriva vakumeka e Northern Hemisphere. Tiko leri humelerisaka nhlayo yikulu ya madiriva kufikela sweswi i tiko ra China ri landzeriwa hi tiko ra India, Uzbekistan, Italy nara United States. E Southern Hemisphere, matiko lawa ya fambaka emahlweni hiku humelerisa i matiko ya Chile, Brazil, Australia na Afrika Dzonga.
Vuhumelerisi e Afrika Dzonga
Afrika Dzonga ariri eku humeleriseni xikan’we naku xavisela matiko yale handle madiriva lawa kutlula ku ringana dzana ra malembe. Tindzhawu ta vuhumelerisi bya madiriva lawa ya xaviseriwaka eka matiko mambe tiya emahlweni ti ndlandlamuka lembe na lembe. Madiriva ya humelerisiwa e Afrika Dzonga kusukela exikarhi ka November kuya exikarhi ka mid-April.
Tindzhawu ta Vuhumelerisi
Kuna tindzhawu ta nhlanu letikulu ta vuhumelerisi e Afrika Dzonga. Ntshovelo wa madiriva wusungula ekusunguleni ka ndzhawu kutani wu famba kuya e dzongeni wa ndzhawu kukondza wu fika emakumu loko swibyariwa swiya swikula. Laha swihatlisaka ku tshovela hile tindzhawini tale nwalungu ta Mpumalanga na Limpopo laha ntshovelo wu sungulaka hi November.
Leswi swi landzeriwa hile minkoveni ya nambu wa Orange River exifundzheni xa Northern Cape kusukela e maheleni ya November kutani swifamba kuya eminkoveni ya Olifants River Valley laha ntshovelo wusungulaka exikarhi ka nhweti ya December. Tindzhawu timbirhi to hetelela hile Berg River na Hex River laha ntshovelo wusungulaka loko nhweti ya December yiya eku heleni. Leyi hlwelaka swinene i ndzhawu ya Hex River Valley, laha ntshovelo wuyaka emahlweni kuya fikela exikarhi ka April.
Tinxaka
Tindzhawu ta vuhumelerisi bya madiriva e Afrika Dzonga tina vukhale lebyi tlulaka dzana ra malembe kambe tiya emahlweni titisa ku cinca loku faneleke. Leswi swi fikeleriwa hikwalaho ka vahumelerisi lava va hoxaka xandla xikan’we na mabindzu lawa yangana vutivi, vabyari xikan’we na lava xaviselaka matiko mambe, lavanga tiyimisela ku phakela ti khasimende ta vona hi madiriva ya xiyimo xale henhla, laha ku tisiwaka madiriva yantshwa lawa ya antswisiweke kusuka eka vahumelerisi valaha kaya na vale matikweni yale handle, lava tiyisisaka leswaku tindzhawu ta vuhumelerisi ti famba emahlweni hiku tirhisa thekinoloji yintshwa leyi phikizanaka na matiko hinkwawo ya misava.
Vuxavisi
Madiriva ya tiko ra Afrika Dzonga ya xaviseriwa matiko akelana ya laha Afrika, South East Asia, China, Middle East, Indian Ocean Islands, European Union, United Kingdom, Russian Federation, Canada nale USA. Madiriva yotala lawa Afrika Dzonga yiwa xaviselaka matiko yale handle yahaya eka timakete ta ntolovelo ta nkoka tale Europe nale UK. Kufikela kwalomu ka hafu ya madiriva ya tiko ra Afrika Dzonga lawa ya xaviseriwaka matiko yale handle ya fambisiwa hi xikepe kuya e European Union naswona kwalomu ka 25% ya yisiwa e United Kingdom.
Switirhisiwa
Madiriva yatala ku dyiwa yarikarhi ya tsakama tani hi muhandzu kumbe ya tirhisiwa eka ti saladi kumbe ya phameriwa na chizi. Madiriva ya kahle swinene eka mphakelo wati Vitamins C na K kukatsa na tin’wana ti vitamins na swakudya. Madiriva ya fuwile swinene hiti antioxidants, ku katsa na resveratrol nati flavonoids xikan’we na dietary fibre.
Translated by Ike Ngobeni