Tšweletšo ya Nkgokolofase
Batšweletši ba bagolo ba merara ya tafola ba hwetšaga mo Northern Hemisphere. Naga yeo e tšweletšago palo ya godimo ta merara ya tafola ke China e be go latela India, Uzbekistan, Italy le United States. Ka mo Southern Hemisphere batšweletši ba bagolo ke Brazil, Australia le Afrika Borwa.
Tšweletšo ya Afrika Borwa
Afrika Borwa e be e entše e tšweletša le go romela merara ya tafola ka ntle go feta mengwaga kgolo. Intasteri e tšweletša merara go e romela ka ntle ebile e gola ka maatla ngwaga ka ngwaga. Merara e tšweletšwa mo Afrika Borwa magareng a Nofemere go fihla ka Aporele.
Mafelo a Tšweletšo
Go na le dilete tše kgolo tše tlhano mo Afrika Borwa. Puno ya merara e direga mo seleteng sa pele e be e ya go Borwa ka go latelana ge tlhabollo ya sebjalo e tšwelapele. Selete sa tšweletšo sa pele se ka mo diprofenseng tša Leboa tša Mpumalanga le Limpopo fao puno e thomago ka Nofemere.
Se se latelwa ke puno go bapa le Orange River ka mo Northen Cape go tloga ka mafelelong a Noferemere e be e šuta e ya go Olifants River Valley fao puno e thomago ka magareng a Desemere.
Dilete tše pedi tša mafelelo ke Dilete sa tšweletšo tša Berg River le Hex River fao puno e thomago mafelelong a Desemere. Selete sa mefelelo sa tšweletšo ke Hex River Valley fao puno e tšwalago pele go fihla magareng a Aporele.
Mehuta
Intansteri ya merara ya tafola ya mo Afrika Borwa e na le mengwaga ya go lekana mengwaga kgolo eupša e sa ntše e le mafolofolo le ka tlase ga diphetego tša ka mehla. Ke ka lebaka la matsapa a balemi le bang ba dithoto, le batšweletši le baromela ntle bao ba ikgafelago go fa bareki ba bona setšweletšwa sa maemo a botse; gore tsebišo ya merara e mefsa yeo e kaonafaditšego go tšwa legae le boditšhabatšhaba e dira gore intasteri e be mo pele ga di tšweletšopele le phadišano ya boditšhabatšhaba.
Dithekišo
Merara ya Afrika Borwa e romelwa ka ntle go Afrika, South East Asia, China, Middle East, Indian Ocean Islands, European Union, United Kingdom, Russian Federation, Canada le USA. Palo ya merara ya Afrika Borwa e sa romelwa go mebarakeng ya Europe ka mo UK. Seripa sa merara ya Afrika Borwa e romela go European Union gomme 20% e romelwa go United Kingdom.
Tšhomišo
Merara ya tafola e jewa e le tala bjalo ka seenywa go e ka šomišwa ka mo salateng goba ya solwa le tšhese. Merara ke mothopo wo botse wa vitamine C le K le divitamine tše dingwe tše mmalwa le diphepo. Merara e na le maemo a godimo a antioxidants le resveratrol le flavonoids gammogo le ditlhale.
Translated by Lebogang Sewela