Iinsetjenziswa Zokwakha Ikheji
Amakheji amanengi akhiwa ngokusebenzisa iindrada zomhlono obizwa nge-galvanised chicken wire ngehloso yokobana kuba lula khulu ukuzihlwengisa kodwana, amakheji la kufuze abekwe ngendlini nofana ngaphasi kwesakhiwo somfulelo. Idrada yaphasi kufuze ibesilinganiso esinga yi-25 x 12.5 mm ngobukhulu begodu yemahlangothini ingaba ma-25 x 25 mm nofana beyibe ma-25 x 50 mm.Amakheji weengodo (anomfulelo) angaba ngaphandle. Umhlobo lo wamakheji wenza bonyana iphasi lapho ubekwe khona lingaba nomraro kodwana ufuna amalalo begodu unomsebenzi omunengu khulu.
Umhlobo we-Bamboo hutches zisetjenziswa khulu begodu zipha ukuvikeleka okukhamba phambiko ebujameni bezulu kanye neenlwanini eziyingozi. Zakhiwa ngokusebenzisa i-concrete iminyango eziindrada isetjenziswa khulu enarheni ye-South America.
Ubungako beKheji Yeentenetjha
Nawufuye iintenetjha kuqakathekile bonyana ubeke enye nenye ngaphakathi kweyayo ikheji. Eziduna zingavalelwa ngaphakathi kwezincazana ukudlula zalezo ezisikazi njengombana eduna izitjheje yona yodwa ngaphandle kwalokha nakulethwe esikazi bonyana izokujarhwa ngeduna.Ezisikazi zidinga ikheji ekhudlwana ngendlela ekungakghonakala ngayo. Ikheji kufuze ibe yikulu ngokwaneleko ukuthi ikghone ukwanela amadzinyanayo begodu akghone ukukhulela ngapho ukufikela lapho unina awalisisa khona ukumunya. Ikheji engaba yi-1 m x 0.5 m ilunge khulu njengeyokukhulisa. (Qala iinsetjenziswa).
Amakheji wokuphuhlisa avame ukusetjenziselwa khulu lezo ezincani ezisanduku hlukaniswa nabonina. Okungasenani kufuneka amakheji amabili wentenetjha ngayinye esikazi, njengombana amadzinyana ahlukile ngobulili, esigabeni sokulisisa ukumunya kudingeka eyodwa yalezo ezisikazi kanye neyodwa yeziduna.
Istoko sezincani zobulili obungafaniko zingafakwa ngomhlambi wokuzikhulisa (Colony runs). Yikheji ekulu le, nofana zigijime, lapho ezingabalelwa kezili-10 ezisikazi zingakhula khona zoke, nofana eziduna ezili-10. Umhlobo lo wekheji (Colony runs) ungenziwa ngokusebenzisa idrada, isigodo nofana wakhiwe ngeslebhe se-conrete ngeentina nofana ngamaplanka. Kufuze iphakame ngokwaneleko ukwenzela bonyana iintenetjhezi zingakghoni ukweqela ngaphandle. Iinjamiso ezidala zeempera zenza ikheji ehle khulu yomhlobo lo.
Translated by Johannes Nkosinathi