I-Mange
I-Mange ibangwa mikhaza emincani - (Sarcoptes suum) ehlala eskhunjeni semfarigi. Imikhaza ke idla iskhumba, igazi kanye neseramu yemfarigi begodu irhona nokubekela amaqanda phakathi kweskhumba semfarigi. Mincani khulu, njeke kutlhogakala bona kuthathwe amasampula weskhumba afakwe ngaphasi kwe-microscope ukuze ubonwe.Ngokuya ngekwemanuwali ka-Danie Visser yesihloko esithi-Modern Pig Production, lokha imbuzi ilunyelwa khulu ezinghwaya ngezinto ifuna ukususa ubuhlungu, kuvamise ukuba litjhwayo lokuthoma lokobana kunento engakalun gi. Iinlonda, amakhokho, amapetjhi avulekileko azzokuvela lokha ubujamobu naburagela phambili, okuvamise ukuthoma ngaphakathi kwendlebe kancanikancani budlulele emzimbeni woke umraro lo nange uragela phambili. Uboya befarigi buzokuqaleka busehla buvele imida efana nembambo.
Iimfarigi ezibanjwe mraro lo ngeze zikhule kuhle, ngombana zizolokho zizingwaya kunokobana zidla. Ubujamobu bungarholela ekutheni budlulele emzimbeni wayo ebuhlabelo.
Intatha
Kungasetjenziswa amadibhu ahlukahlukeneko, iimpreyi kanye nenjekutjheni ukubulala imikhaza. Bawa udorhodere wakho wenlwane nanyana i-technician yezepio ukobana akunikeze imikhiqizo engakurhelebha ukwelapha imiraro le ukukhandela kobana ingazibambi eskhathini esizako.
Ngokuye ngekwemanuwali i-Pigs for Profit Manual, kunabantu abasebenzisa igrisi yekoloyi edala ukwelapha i-mange. Nanyana angasebenzi nje, amafutha wekoloyi abanga iskhumba sefarigi kobana sonakale.
I-Pig Louse
I-Pig Louse (Haematopinus suis) ihlala eskhunjeni semfarigi begodu ivamise kutholakala lapha iskhumba sisongene khona entayeni, emahlombe, emathunjini duze kwezitho zangasese zemfarigi. I-Pig Louse emila efarigini esele iyidala ikhula beyifike hlangana kwe-4 mm ukuya ku-6 mm ngobukhulu, njeke kulula bona uyibone ngamehlo, kanye namaqandayo amanengi anga skhokho esisarulana.Imunya igazi lemfarigi, ibangele bona sonakale okungarholela ekutheni ifarigi enaza izihlikihle emabodeni nanyana eemumathini zokudla ilinga ukuqeda ukuluma. Njenge - mange lokhu kungabanomthelela omumbi ekudleni kwayo, kwenze bona ipharasayidi le idlulele emzimbeni wayo. Nazizinengi khulu zingarholela ekutheni ifarigi ibe ne-anemia.
Intatha
Amadibhu ahlukahlukeneko kanye nempreyi kungabulala imikhaza le. Bawa udorhodere wakho wenlwane nanyana i-technician yezamaphilo kobana ikunikeze umkhiqizo wokuzelapha.
Translated by Busisiwe Prudance Skhosana