Iinyeleliso Zokupha Iinkukhu Ukudla

© Chris Daly

Ukupha iinkukhu ukudla ngenye yezinto ezidurela khulu abafuyi bazo ngesinye iskhathi, kubalwa iindleko ezingadlula i-50 phesenti yomkhiqizo .Nanyana kunjalo zikhona iindlela ezimbalwa ongabulunga ngazo ngokusebenzisa lokho onakho.

Iintlabagelo Ezinengi

©Chris Daly
Ukuzithengela ukudla okuncani emavikilini, kuyabiza.Ukuqeda umraro lo,uDokgodere uCharlotte Nkuna wehlangano ye-the South African Poultry Association ubeke umbono encwadini i- Farmer’s Weekly wokobana abalimi kufanele bahlanganise iintlabagelo bazithengile amadzinyani,ukudla kwenkukhu, imitjhoga yokuzilapha kanye nemibhede yazo ngobunengi ebantwini abazenzako kunokuthenga kancanikancani emavikilini.
Lokhu kungabonakala kungeze kwakghoneka khulukhulu ebelimini ebahlala eendaweni ezimaqalanga. Kodwana uthe abalimi kufanele bakhulumisane, bahlangene boke bazame ukuza nesirarululo sesitjhijilwesi.

Balekela Ukudla Kwekhwalithi Okungakalungi

Lokha nawuthenga ukudla, qiniseka bona uthenga ebathengisini abathembekileko.Umraro ngokuthenga ukudla kwezinga eliphasi, kukobana ingarholela ekubeni kubenokutlhogeka kokudla okunepilo kwenkukhwezi, ekungadala bona zingakghoni ukukhiqiza kuhle amadzinyani, ukukhula kuhle begodu zingabanjwa malwelwe msinyana. Ukudla, okudla nakho kungarholela ekutheni iinkukhwezi zibanjwe mamanye amalwelwe.
Ukudla kufanele kube ngekwekhwalithi efaneleko ekghona ukufezekisa iintlhogeko zenkukhwezi,Ukudla kwama-broilers ukwenza isbonelo kufanele kube ngokuletha umdlandla kanye nama-protein kunokudla okuphiwa iinkukhu ezibekela amaqanda, ngombana iinkukhu zomhlobo we-broiler kufanele zinone msinya kunalezo ezibekela amaqanda.
Njeke kudla okunjani kwekwalithi ehle
  • Ukudla akukafaneli kubenetjhefu nanyana ezinye izinto eziyingozi
  • Kufanele kungabi nesikghoro. Kunganuki kumbi nanyana kubengokumotjhekileko, kufanele kuqaleke kufretjhi.
  • Kufane kube ngokwenziwe ngenthako zekwalithi ehle
  • Imikhiqizo kufanele ifane, ingahluki ukusuka esiqubuthwini sinye ukuya kwesinye
  • Kufanele kube nenomboro yesiqubuthu sokudleso, ilanga esinziwe ngalo,kanye nenomboro zomtato ukwenzela bona kube lula ukuthola umtlhala nakungaba nento engakalungi eyenzekako

      • Ukubekwa Kuhle

      ©Chris Daly
      Ukubeka kuhle ukudla kurhelebha ukuvikela ikhwalithi yokudla.Lokha ukudla sele kuthoma ukuba kudala, kuloba iinthako ezikwenza bona kube nepilo okutjho bona kuzokutlhogeka ukudla okunye okunengi ukutlhogomela iinkukhwezo kobana zikghone ukwenza umsebenzi kunalokha ziphiwa ukudla kwekhwalithi ehle.Ukudla kwekhwalithi ephasi kungezelela ubungozi bokubanjwa malwelwe.
      Iphasi lenkukhu lina nazi iinyeleliso
      • Ukudla kufanale kuhlale komile, kupholile, kungaqondani nelanga begodu kubesendaweni engenisa umuyo kuhle
      • Kufanele kuvikeleke entwaleni kanye nezinye iintjhabalalisi, kungasi ukwenzela bona ungaloba ukudlokho kwaphela, kodwana ungoba iintjhabalalisezi zingasilaphaza ukudlokho.
      • Ukudla kufanele kungabekwa phasi,ukukhandela manzi wefluri
      • Ukudla akubekwe kude namakhemikhali kanye nezinye iindakamizwa.
      • Nangabe kubekwe emigconyini yenzibi, kufanele kube ngahlanzwe kuhle ngaphambi kokobana kufakwe kiyo ukudla
      • Iindawo zokubeka ukudla kufanele zihlale zihlwengekile

      Zenzele Kwakho

      ©Chris Daly
      Nawungakghona ukuzitholela iinthako ezifaneleko, ezifana nesphila,i-soya,i-fishmeal,maize bran kanye ne-sunflower, ungazenzela ukudla kwakho kwenkukhu.Bawa i- an extension officer nanyana osebenza ngokudla kwenlwana akukgelebhe bona ungameda njani ukudla okukghona ukondla kuhle iinkukhwezo, kusukela estepisini ezehlukeneko zokuzikhiqiza.
      Ku-athikili ye- the Poultrysite.com, Jan Grobbelaar ka Dumela Poultry Solutions, bane yeleliso ezilandelako zabalimi abangakghoni ukuzithengela ukudla.Kokuthoma, bangazikhiqizela i- fly larvae yokondla iinlwane zabo.Lokhu kungenzeka ngokubeka ukudla ikubolileko, okufana nekhabitjhi, ethungeni.
      Ithungeli lizokubiza iinpukani, ezizokubekela amaqanda kilo. Yenza intrunja ngaphasi kwethungelo, khona i-larvae ezokuya ngaphasi kwethunga izokuwela entrunjenezo.Elinye ithunga lingabekwa ngaphasi kwethunga elikhiqiza -larve lelo ukuze ingene khona.
      Enye into ongayenza kuthola umuhlwa.UGrobbelaar ufundisa abalimi ukukhipha incenye yesihleke somuhlwa ngokwenza umgodi kiso.Umgodi loyo ubese uvalwa ngotjani obomileko ukwenzela bona isihlekeso singamotjheki, Kuthatha iinyanga ezilithona ngaphambi kokobana isihlekeso singavunwa godu.
      Enye indlela kupha iinkukhu isiphila esinesikghoro engeze sadliwa babantu.
      Nanyanalokho kungenza bona zibanjwe malwelwe, ubungozi lobo buncani enkukhwni ezijayele ukuzidobhelelela ngombana ziqinile kunenkukhu zomtjhini begodu zikghona ukugwinya okunye ukudla.

      Translated by Busisiwe Skhosana