Guinea Grass

Igama

Guinea Grass

Igama lesi-Latin

Panicum maximum

Umsebenzabo

Kubonaka kwanga umhlobo lo uligugu khulu emadlelweni weenlwani eendaweni lapho butholakala khona. Inambitho elimnandi labo, lipha umkhiqizo wamakari amanengi begodu avame ukutholakala ngobunengi eenkhothini ezihle. Iincenye zawo ezimamevana zinedumo khulu eenyonini ezidla imbewabo.

Ihlathululo

Utjanobu bunamarikiriki begodu bumajadu, amakarabo abanzi ngamamilimitha amatjhumi amathathu. Incenye yabo ephezulu emumatha amatlhurhelo ivulekile. Utjanobo bunenambitho lezinga eliphezu begodu buthandwa ziinlwazi ezidla utjani.
Iincenye zabo ezimumathe imbewu zinombala ophephula (ziba phephula khulukhulu utjani nabumila bunqophene nelanga). Utjanobu buhlala buhlaza ukufikela ebusika. Budabuka e-Afrika, kodwana namhlanje sebutholakala neencenyeni zama-tropical umhlaba zombelele.

Indawabo

Utjanobu butholakala eendaweni ezimanzi nezinehlabathi enothileko, khulukhulu emithunzini yemithi magega nemilambo. Kanti-ke busenzisa nobujamo obuhlakahlukeneko ukuthi bukhule.

Amathuthumbo nokutlhurha

Ukusuka ngenyanga kaKhukhulamungu ukuya kuNtaka eSewula Afrika.

Ibuthelelolwazi ngomangawo

Umhlobo lo wotjani waziwa nangamanye amagama ambalwa e-Afrika ekufaka hlangana i-Tanganyika Grass kanye ne-Buffalo Grass. Kanti-ke buligugu khulu emadlelweni wefuyo kodwana kukholelwa bonyana bubanga amalwelwe athileko eenlwanini ngaphasi kobujamo obuthileko bezulu.