Common Tern
Inyoni yamanzi ejayelekileko
Igama
Inyoni yamanzi ejayelekileko (Common Tern)
Igama lesi-Latin
Sterna hirundo
Umndenazo
Rynchopidae
Ubude
35 cm
Ikhaya
Zivamise ukuhlala ngeenkulungwana eqadi kwamanzi.
Ukufuduka
Ukufuduka kwazo, komhlobo weenyoni ezifakwe ama-ringhi (rings) zitholakele magega nemaqadi kwamanzi wethu ukusuka e-England, Norway, Finland, Denmark kanye ne-Germany.
Isililo senyoni
Itjhada ezilenzako liyahlaba begodu linomkhosi phakathi othi-'pee-err'.
Ukubekela nokufukama
Zihlala bezifukame lapho kuhlukana nofana kuhlangana khona ilwandle kanye neqadi kwamanzi.
Ihlathululo ngamadzinyana
Amadzinyana asakhulako atshwaya nofana abonakala njengaleyo edala engafukamiko kodwana incenye yawo ephezulu inombala omlotha okumthuthu, umlomo obomvana esithomeni sawo kanye nemilenze ethanda ukuba sarulana.
Ihlathululo ngezidala
Isilinganiso sobude bomlomayo bulihlandla eli-1½ lebanga eliphakathi kwangemva kwamehlo kanye nelingaphambili lepanda, umlomayo ubomvu kanye nombala onzima esiphethweni sawo kodwana ukhombisa ukubanzima khulu ngesikhathi esingasiso sokubekela nokufukama. Inamehlo ozotho okumnyama. Umqhelayo unombala wamacatjhazana anzima kanye nombala onzima okuthunyileko ngehla kwamehlo kanye nangeva kwehloko; epandla, entanyeni, emphinjeni begodu nangaphasi imhlophe. Inombala otshehla ngehla nofana encenyeni esehla kanye nombala onzima otholakala ehlombe lephiko. Imilenzayo ibomvana. Nayisesidlekeni nofana ifukamile intamo, umqhelo kanye nepandla ziba nzima ngombala.
Ubujamo
Zivakatjha khulu nangobunengi ehlobo.
Ukusabalala kwazo
Zibakhona ngobunengi magega neligu ukusuka ngenyanga kaRhoboyi ukuya kuSihlabantangana kodwana ezikhamba ngayinye zingatholakala lapho kesinye nesinye isikhathi sonyaka. Ziyindlala khulu emaphakathini wenarha.
