Die Tswana woord ‘thakadu’ beteken aardvark, ’n sku soogdier wat die grond omdolwe op soek na termiete.
Wildkyk
Dit is maar een van die kleiner soogdiere soos die muishond, sivetkat, dassie en ystervark wat dikwels misgekyk word. Die Madikwe Wildreservaat het onder meer wildehonde, jagluiperds, groot troppe buffels en olifante en ook die res van die Groot 5.
Thakadu River Camp wat op die oewer van die Maricorivier is bied die ideale plek om te sit en ontspan terwyl jy na die wild kyk wat kom water drink. Die wildritte in die oggend en laatmiddag/vroegaand saam met die kundige Thakadu gidse is ’n belewenis. Kinders onder 6 jaar oud word nie op die gewone wildritte toegelaat nie, maar het hulle eie spesiale wildrit net na ontbyt in die oggend.