Voorkoms
Die volwasse mannetjies se voorste helfte van hul kop en keel is wit en die res van hul kop en nek is swart met wit kolle op die onderkant van die nek. Die onderste gedeelte van die nek en vlerk-skouers is kastaiingbruin. Op die sye is swart en wit patrone. Die res van die borskant, onderkant van die vlerke, die kruis en stert is swart. Hul rug en skouers is olyfbruin, oë is bruin en die snawel is swart. Voete, tone en webbe is blou met swart merke. Die wyfie is soortgelyk maar die voorkant van haar kop en nek het roeskleurige kolletjies op. Alhoewel dit die lang nek en lang bene van ander eende het, spandeer dit nie veel tyd in bome nie, maar verkies eerder sandbanke. Dit tree meer op soos 'n gans of swaan as 'n tipiese eendDieet
Hulle eet onderwater knolle en sade van waterplante, ook weekdiere, klein akwatiese diere en ongewerwelde diere soos water insekte. Hulle kry gewoonlik hul kos deur te duik.Teling
Neste word gebou van blare op die grond, in moerasse en in hol bome. Wedersydse versorging van vere speel 'n belangrike rol in die vorming van paartjies en die handhawing van bande. Broeisels bestaan uit 6 tot 12 eiers, en albei die mannetjie en weifie inkubeer die eiers vir 28 tot 30 dae. Die eendjies word dikwels deur die ouers in akwatiese plantegroei versteek.Gedrag
‘n Baie sosiale spesie met swerms wat dikwels in die honderde voorkom. Wedersydse optooiing kom baie algemeen voor en is belangrik vir permanente vorming van paartjies. Hulle voer hoofsaaklik snags, so daar word baie gedurende die nag gevlieg. Hierdie voëls is baie nomadies. Hulle word dikwels in assosiasie met die Fluiteend gevind.Dit roep gereeld met ‘n kenmerkende hoë, multisillabiese fluit wat baie ondraaglik klink. Die manlike en vroulike roepe verskil effens en mag dien as 'n bindingsmeganisme. Die aantreklike voorkoms van die eend maak dit 'n gewilde voël vir watervoël-versamelings. Hulle spandeer baie tyd op oewers. Gedurende die dag slaap die eende naby die water, dikwels in swerms van honderde, waar hulle hulself en ander optooi. Fluiteende is meer boomagtig as baie ander eende, wat ‘n groot deel van die dag op boom takke sal sit. Hulle is vinnige swemmers, maar duik nie, behalwe vir kos.