Wisselbou
Plant blaarslaai na enige groente van die koolfamilie. Na ’n blaarslaai oes moet daar eers enige pampoen of kool variëteit geplant word.Opbrengs - Ton per Hektaar
YsbergKonserwatief: 15
Gemiddeld: 25
Goed: 40+
Botter
Konserwatief: 8
Gemiddeld: 20
Goed: 35+
Romaine
Konserwatief: 15
Gemiddeld: 25
Goed: 40+
Losblaar
Konserwatief: 15
Gemiddeld: 22
Goed: 30
Produksie wissel grootliks tussen die verskillende gebiede en produsente. Kweekhuisproduksie kan ’n twee tot drie keer groter opbrengs hê as die blaarslaai wat in ’n land geproduseer word. Dit is weens die meer akkurate boerderypraktyke, korter groeiperiode en die beskermde omgewing.
Oes
Oes altyd blaarslaai gedurende koel weer of in die oggend. Blaarslaai word meestal met die hand geoes aangesien die plante baie sensitief is. As die hele blaarslaaikop geoes word, word dit net bokant die grond met ’n skerp mes of skêr afgesny. In die geval van losblaar blaarslaai word die buitenste blare voortdurend sodra dit die verlangde lengte het geoes.Sommige kommersiële produsente oes met meganiese oesmasjiene, maar dit is gewoonlik die ysberg variëteite wat vir kitskos, verpakking en spyseniering gebruik word. Onmiddellik na dit geoes is moet die blaarslaai in ’n koelkamer met ’n hoë humiditeit gebêre word.
Berging
Blaarslaai kan suksesvol vir tot twee weke by ’n temperatuur van 1 - 3°C en ’n relatiewe humiditeit van 90% + gestoor word. As blaarslaai na ’n mark ver weggestuur moet word, kan blaarslaai wat in ’n temperatuur beheerde stoorkamer gehou is ’n maand na die tyd nog vars wees. Die beste en mees onlangse inligting kan van ’n na-oes spesialis verkry word. ’n Klein foutjie sal ’n verwoestende gevolg op die produk hê.Plae
Algemene plae is plantluise (aphids), bolwurms (bollworms) en snywurms (cutworms).Siektes
Algemene siektes is sagtevrot (bacterial rot), donsskimmel (downey mildew), poeieragtige skimmel (powdery mildew), mosaïek-virus (mosaic virus), sclerotinia vrot (sclerotinia rot) en septoria blaarvlek (septoria leaf spot).Translated by Ananda Schoeman