Pinotage

© Kevin Crause

Ṱhaluso

Pinotage ndi veini tsuku ine vhubvo hayo ndi Afrika Tshipembe. Iya wanala na Albeit fhedzi a I tou vha nnzhi vho lini. Na Australia, Brazil, Canada, Israel, New Zealand, Switzerland, the United States na Zimbabwe.

Vhubvo

Mu-profesa vho Abraham Izak Perold vha gudedzini ḽa Stellenbosch ndi vhone vho bveledzaho Pinotage nga ṅwaha wa 1920, zwi tshi khou bva kha u ṱanganelana ha Pinot noir na Cinsaut (ine kale yo vha i tshi ḓivhiwa nga ḽa Hermitage) Vho-Perold vho vha vha tshi khou ṱoḓa u bveledza veini ine ya vha na muthetshelo wa Pinot na mvumbo dzi sa lengi u hula dza Cisaut.

Zwa kona ha u bvisa mbeu nṋa dze vho-perold vha dzi ṱavha kha ngade ya vho henengei Stellenbosch kha bulasi ino pfi Welgevallen experimental farm. Nga murahu ha miṅwaha mivhili vho-Perold vha dzhia vhuimo ha KWV, zwi tshi khou bva kha vhudzulo ha Welgevallen hune ndi kale hu sina vhathu vho dzulaho hone.

Havha hu tshi khou pfala mafhungo a uri Vho- Dokotela Charlie Niehaus vhane zwenezwila zwifhinga vho vha vha tshi kha ḓi tou vha mu ḽekhitshara muṱuku ndi vhone vhe vha ḓo tsireledza mbeu heyo kha vhathu vhane vho vha vha ḓa u kulumaga ngade,ine nga hetsho tshifhinga mbeu yo vha yo no hula vhukuma.

Niehaus ndi ene we aḓo dzhia mbeu ai ṋekedza vho-Phurofesa CJ Theron, vhane ho vha hu vhone vho faraho zwa vhulimi nga ṅwaha wa 1940 na 1950 gudedzini ḽa Stellebosch.

Zwa ita uri muri u dovhe u ṱavhiwe hangei Elsenburg kholegini ya zwa vhulimi nga murahuni ya waniwa nga Richter 99 na Richter 57 zwine zwa vha manwe a mashudu, ngauri zwinwe zwimela zwe zwa vha zwo sala zwo mbo ḓi kavhiwa nga malwadze zwa sia uri zwi tshinyadziwe. Ine yo vha i tshi khou bveledza mitshelo yavhuḓi ndi yone ine yo mbo ḓi topoliwa uri ndi yone mme a miri ya Pinotage.

Manwe Madzina

I vhidzwa sa Perold” hermitage x Pinot na hone hupfi heḽi dzina Herminoire go vho ho fanela i tshi vhidzwa ngaḽo. Dzina ḽa Pinotage ndi ḽoneḽo fhedziwahoḽo tendiwa nga murahu ha musi Vho- Theron vha tshi ḓa vho fara mbeu nṋa dza muri kha Vho- Perold.

U Bveledziwa kha ḽa Afrika Tshipembe

Miri ya u tou thoma u ṱavhiwa ungari yo ṱavhiwa Myrtle Cove tsini na Sr Lowry,s pass kana Muratie kha la Stellenbosch. Muri wo lenga u ḓivhea, zwine ho vha hu tshi tou vha na vhorabulasi vhararu fhedzi vhane vho vha vho u ṱavha nga ṅwaha wa 1950.

Muri wo thoma u ḓivhea nga murahu ha u thuba pfuvho dza Cape young wine show nga ṅwaha wa 1959 n 1961.

Vho- Rabulaasi vha stellenbosch ndi vhone vho thomaho u shumisa dzina ḽa Pinotage nga ṅwaha wa 1961. Vha tshi khou itela u iḓivhisa kha vha vhambadzi nga ṅwaha wa 1959 uri ndi yone ine ya tou vha gwaimane kha Bellevue Estate fhasi ha Lanzerac brand.

Hune ya Bveledzwa Hone

Northern Cape, Olifants River Swartland, Klein karoo, Paarl, Robertson, Stellenbosch, Worcester, Breedekloof na Cape south coast.

U Aluwa

Iya aluwa zwo linganelaho henefha kha 10 t/ha uya kha 15 t/ha.

U Kaṋiwa

Iya ṱavhanya vhukuma u kaṋiwa henefha vhukatini ha ṅwedzi wa Luhuhi.

Mitshelo

Mitshelo ya hone ndi miṱuku ya vha na tshivhumbeo tsho tanḓavhuwelaho matungo yavha na muvhala wo no nga makole wo yahoo kha mutsu musi i tshi kaṋiwa. Lukanda lwo khwaṱha na hone lu a ṱhavha, ngeno ṋama i thethe nahone ya ḓifhelela.

Maṱari

Matari o linganela atshi nga akhou hula, avha a muvhala mudala adzula a tshi khou hula avha na vhana vhaṱanu.

Malwadze na zwi no Tshinyadza

I shavhana nga maanḓa na phepho, fhedzi zwithu zwo no nga zwivhungu i khwine ifhira na Cabernet Sauvignon. Mathada manzhi i a kunda ngauri iya ṱavhanya u kaṋiwa.

Mushumo

Iya kona u shuma i yoṱhe kana yo ṱanganiswa na dzinwe veini sa tsumbo, ndi blend ya kapa zwine zwa i ṱalusa uri ndi yone ya afrika tshipembe ine ya kona u shuma u ṱanganiswa na dzinwe tsuku yo hwala dzi phesenthe dza 30% fhedzi adzi tei u fha 70%.

Veini

Iya kona u vulela uri i kone u shuma sa veini dzi fhambananaho, zwi tshi bva kha nḓila ine yo aluswa ngayo na u vhibva, Pinotage kha Richter 110 midzi ya hone yo tavhiwa kha mavu a devhula iya bvisa muthetshelo wo no nga wa Muomva ngeno kha tshipembe i tshi bvisa muthetshelo wo no nga wa mutshelo wa cherry, zwi tshi tanganelana na mukumba. U shumisa lwa vhutali mbado zwi fha Pinotage muthetshelo wo no nga chocolate kana coffe twist.Translated by Khalirendwe Nekhavhambe