Vahlayisi na Vulawuri bya Valala

©Ann Gadd
Swifuwo swinga hlayisiwa eka valala va swona hi tindlela to hambana, kukatsa kuva swirisiwa, timbyana to rindza, alpacas, tidonki, yimbho xikan’we na thekinoloji yintshwa.

Varisi

Varisi kungava vanwana vankoka kuva na vona tani hi n’wamapurasi. Murisi lonene kungava muhlayisi wantumbuluko wa swifuwo, loyi a kotaka ku vona loko kuri na leswinga hoxeka hi xifuwo naswona atlhela anga tisi ntshikelelo loko arikarhi a hlayisa swifuwo. Ehandle ko langutela swifuwo, anga tlhela a sivela valala hiku tiyisisa leswaku darata yitshamisekile kutani a tlhela a teka magoza yo hlayisa swifuwo leswi vabyaka leswaku swinga karhatiwi hi valala.

Hambiswiritano, i ntirho lowungana xivundza swinene, lowu lavaka ti awara totala swinene uri ekule nalekaya, ngopfu ngopfu laha swifuwo swinga fuwiwa switele. Vanhu votala avaha switsakeli ku endla ntirho wotani, leswi endlaka leswaku vutivi byikulu byingaha hundziseriwi eka rixaka.

Kuya hi Predators on Livestock Farms, a practical farmer’s manual for non-lethal, ecologically acceptable and ethical management, leyi hlengeletiweke hi Bool Smuts, ku tirhisiwa ka varisi swinga tisa vutomi byintshwa eka xivandla xa mintirho lexinga mbuyelo wakahle eka vanhu, ikhonomi na mbango, ngopfu ngopfu loko kuriku ntirho lowu wufambisana na tihakelo ta kahle kufana na kutirhisana naaku avelana mbuyelo.

Timbyana to Rindza

©Ann Gadd
Varisi, eka malembe lawa yotala, ava tirhisa timbyana tohambana hambana ku ringeta ku hlayisa swifuwo eka valala. Tinxaka tohambana hambana titirhisiwile hiku humelela, laha Turkish Anatolian Shepherd Dog akuri yona leyi ayiri na ndhuma swinene. Ku ehleketeleriwa leswaku byana yakahle yorindza yinga hunguta kulahlekeriwa hi swifuwo kufikela eka 90%.

Timbyana leti tirhaka, tivekiwa na swifuwo kusukela loko tiri na ntsevu kuya eka nkaye wa mavhiki hi vukhale. Mbyana yifanele kutshama yiri na swifuwo minkarhi hinkwayo naswona yinga Sali yiri yoxe exivaleni hambi loko yosala na swifuwo swimbirhi swilulamile, kutiyisisa leswaku swi aka vuxaka byakahle exikarhi ka ximbyanyani na swifuwo. Mbyana yingaka yinga pfuni nchumu loko kungavi na vuxaka exikarhi ka swona.

Leswi tifaneleke titiva n’winyi watona, swifanele switlhela switiveka nale ka xifuwo leswaku timbyana titele ku hlayisa swona kungari muti kumbe vanhu. Mbyana na yona ayi fanelanga ku pfumeleriwa ku tsutsuma naku tlanga na ntlhambi loko yirikarhi yikula, tani hileswi swinga vekaka enghozini swifuwo. Timbyana natona tifanele ku tolovetiwa swifuwo swin’wana kumbe swifuwo swa purasi rin’wana, kusivela leswaku swivona swifuwo leswi swiri nghozi eka swifuwo.

Timbyana tifanele kuva tinga pfumeleriwi ku hlongorisa swiharhi swanhova xikan’we naku dyondzisiwa leswaku titolovela swiharhi swa nhova leswinga tiseki khombo eka swifuwo. Timbyana tingaka tinga koti ku endla ntirho lowu loko to dyondzisiwa ku hlota.

Alpacas

©Jacques Marais
Alpacas yifanele kuva yikurisiwa na swifuwo kutiyisisa leswaku yiva na vuxaka byo tiya swinene na swifuwo leswi. Loko vuxaka byi akiwile, yita teka vulawuri bya kahle ku rindza naku sirhelela ndzhawu xikan’we naku hlongorisa, ku phela, ku luma, ku raha na kuchavisa leswinga tisaka khombo. Alpacas tifanele kuva titirha tiri timbirhi, laha timbirhi ti hlayisaka kwalomu ka 250 wa swifuwo eka rivala ra 250 ha.

Predators on Livestock Farms, tsalwa ra van’wamapurasi, rivika leswaku alpacas yinga engetela nhlayo ya swinyimpfana hi kwalomu ka 20% kutani yi hunguta ku lahlekeriwa hikwalaho ka valala hikwalomu ka 80%.

Tidonki

©Ann Gadd
Loko tidonki titirhisiwile kuya hi ndzhavuko tani hi ntlawa wa swifuwo, natona tiva varindzi vakahle swinene eka swifuwo. E Kenya, tani hi xikombiso, tititrhisiwa kusirhelela tihomu eka tinghala.

Tirhandza kuva tiri hintlhambi, laha tikotaka ku tilwela naswona titshama tiri ntlhambu kuya hi leswi tinga kurisisiwa xiswona.

Ta xisati titsakeriwa ngopfu kutlula ta xinuna, hikuva ta xinuna tina nkanu loko swita eka swifuwo swin’wana naswona tinga onha na darata.

Translated by Ike Ngobeni