Nelson Mandela Muhlanganisi hi Raymond Louw

© Eric Miller

Lunch na vavasati va vabohiwa

Switeka vumunhu byo karhi byo hlawuleka kuva wanuna loyi a nga tshama 27 wa malembe e khotsweni, munhu loyi anga xanisiwa swinene hi mfumo laha xikongomelo akuri ku veka yena na vanhu evuhlongeni, kuva ata nyanyula vavasati lavanga feriwa xikan’we na lava vavanuna vavona avari e khotsweni hiku dya swakudya swana nhlekani. Leswi hi leswi murhangeri wa tiko ra Afrika Dzonga nkulukumba Nelson Rolihlahla Mandela anga swiendla, 5 wa malembe endzhaku kaloko a humile e khotsweni, laha eku heteleleni anga tlakusiwa kuya eka hofisi leyikulu ya tiko eka leswi aswivuriwa nhlawulo wa masingita.

Muhlanganisi wa muntima – Anga hanyi

Eka malembe nyana lawa ya ha kuhundzaka vamanana lava ava fanele vatikuma vayimile etlhelo ka vavanuna vavona vakarhi va huwelela kutshemba ka vona ehenhla ka muvala loku avari na kona loku aku tshikeleriwile hi milawu ya xihlawuhlawu — kungu leri ari endliwile leswaku ma Afrika Dzonga voringana 40-million avata fumiwa hi voko ra nsimbhi leswi aswi endliwa hi 3 million wa mabunu vama Afrikaner lava ava fuma hinkarhi wa kona.
Muhlanganisi wa vamanana lava wa muntima angari kona—hambi leswi aswiva chicha xiyimo kuva va tlhavulana na vantima vo huma e handle hikuva se ava nghene eka class ya vanhu va matiko mambe. Vantima va Afrika Dzonga avari vatshovi va tihunyi ni va ki vamati, lava ava ringanele ku endla mintirho leyi ayi endliwe hi milawu ya xihlawuhlawu leyi vavanuna va vona ava lwa na yona. Leswi swihundzuke muxaka wa mahlayiselo lawa ya kulu swinene.
Naswona loko vantima avanga hanyi hindlela leyi ayi laveka kumbe kulandzelela milawu leyi, ava yirisiwa, kutshamisiwa e tindlwini hinkanu, ku pfaleriwa e khotsweni kumbe ku dlawa. President Mandela se axanisiwile hitindlela toleto kuringana hafu ya vutomi bya yena.

Un’we a ala

Un’we wa vavasati lavanga loveriwa hi nuna hinkarhi lowu wa xihlawuhlawu u arile kuteka xirhambo xakuya dya swakudya swa na nhlekani. Nuna wakwe, Dr Hendrik Frensch Verwoerd, ari mutumbuluxi nkulu wa xihlawuhlawu laha tikweni loko anga se dlawa hi murhumiwa wa palamende hi 1966. Loyi ari wanuna loyi anga hanya vutomi bya vukulu byakwe ari eku endleni ka tindlela to xanisa vantima xikan’we notiyisisa leswaku ma Afrikaner vaya emahlweni va fuma tiko hi voko ransimbhi xikan’we noya emahlweni va tiphina hiku hanya hi xivona tani hivalungu laha ava hanya vutomi bya kahle no tshama vari voxe eka tindzhawu ta kahle no hanya vutomi byo antswa lebyi ava byi fikelela hikokwalaho ka mintirho ya vantima lava avanga holi nchumu.
Loko ari na malembe ya 94, Mrs Betsie Verwoerd u hlamusele leswaku kuva anga tsakangi emirini hiswona swinga endla leswaku a tsandzeka kuya e Pretoria kambe, tani hileswi ari na manu ya ntswatsi, u olovise ku ala kakwe aku hiku hlamusela leswaku ata switsakela kuhlangana na President loko o tshuka a hundzile hile kayena. Leswi aswivula leswaku president a fanele kuva a famba mpfhuka woringana 1 100 km (700 miles) kuya e Orania e Karoo exifundzheni xa northern Cape, laha mabunu lawa ava xave xiphemu xikulu swinene xa misava laha aku endliwe doroba ra valungu ntsena.
Enkarhini walowo, rixaka ra ma-coloureds (mixed race people) lava ava tshama kona vahlongoriwile. Leswi swiwela eka matimu xikan’we naku tsan’wiwa ka vantima —eka swiyimo swankarhi lowu wa xidimokirasi xa Afrika Dzonga, matirhelo ya xihlawuhlawu se aya herisiwile laha un’wana na unwana a fanele kutitirhela mintirho yakwe – aswinga languteriwanga leswaku President Mandela anga fona.

Mandela a vhakela Orania

Kambe leswi akungari leswi aswilanguteriwile eka President loyi kuva aya nyanyula nsati wa mufi khale ka Prime Minister John Balthazar Vorster. Ari holobye wa vululami loyi a tirha kufanana Verwoerd eka ku endla milawu yo tshikelela vantima na nsele lowu awu lave ku hundzula President Mandela na vabohiwa kulobye onge a hi vanhu.
President Mandela u teke rendzo roya e Orania, laha anga fika an’wa tiya na makhekhe na manana Verwoerd laha anga tlhandleka voko rakwe e katleni ra manana loyi atlhela a n’wayitela laha manana loyi a hlaya papila leri ari tsarile hi Afrikaans. "Ndzi kombela President leswaku a langutisisa mhaka ya Volkstaat hintwela vusiwana xikanwe naku ahlula ma Afrikaner hi vutlharhi," papila rakwe ari vula tano.
Laha a hlamusela hi ta xikombelo xa vona xa leswaku vafanele kuva na tiko ra vona laha vangata tifuma vanga kavanyetiwi hi munhu. Yoleyo akuri ndlela yinwana yakuva vatshikiwa vatshama na xihlawuhlawu xa vona, kasi hihala tlhelo Afrika Dzonga ra xidimokirasi aritava riya emahlweni no fayelela milawu leyi vayi sunguleke ya mfumo wa xihlawuhlawu.
President Mandela a languteka anga ninginisiwi hinchumu eka leswi aswi khumbhana na xihlawuhlawu – kufana na mimfungho ya "strictly private" enyangweni wa doroba, statue xa Verwoerd na "I have shown the way" tani hi xikoweto no pfumaleka ka swikandza swa ntima eka tiko leri vantima vanga tala eka madoroba yotala. U bakanyele e tlhelo swivutiso swa "whites only" eka ndzhawu liya hikuva a vula leswaku aswingalavi a kuma mpfumelelo kuva a vhaka eka ndzhawu liya. Yoleyo akuri ndlela yo tisirhelela eka yena.

Translated by Ike Ngobeni