Vana va mama eka mhana vona kuringana mune wa mavhiki, hambi leswi ntikelo na ntalo wa masi wungatava wurikarhi wuhunguteka loko se va sungula kudya swakudya swotiyela. Vana vanga lumuriwa loko vari na mavhiki ya mune.
Laha ku fuyiwaka mimpfundla yoxavisiwa, vana hinkwavo va lumuriwa eka 4 wa mavhiki hikuva vamana wa vona vava varinganele kutlhelela eka timhaka ta masangu eka masiku nyana loko va hete kutswala.
Kuya hi maendlelo lawa munhu aswi tsakerisaka swona ku kurisa na ku phamela swakudya, aswi hlohleteriwi kuhatla ku lumula vana. Ma endlelo yakahle ikuva kuyimiwa mavhiki mambirhi kumbe manharhu mpfundla wunga se tlhelela emasangwini ngopfu ngopfu hiku languta xiyimo xa wona.
Vana vanga lumuriwa se vari na 6 wa mavhiki. Mavhiki lawaya yambirhi iya leswaku vana vadyondza swinwana eka mana wa vona na leswaku vata kota kutiyimela.
Vana lava valumuriwaka vahari vantsongo swinene vava na ntshikelelo swinene naswona ntshikelelo wu endla leswaku mpfundlha wu lova wahari wuntsongo. Vana lavangana ntshikelelo va khomiwa hi mavabyi yohambana hambana.
Endzhaku ko lumuriwa, kambela rimbewu ra vana, uva fungha – hi koki pen – laha swikotekaka, hambanyisa vana va xinuna eka vaxisati.
Vaxinuna na vaxisati loko vahambanyisiwile vanga yisiwa laha vangata kulela kona kuya hi rimbewu ra vona kufikela loko se vahlawuriwa kuya fuyiwa, ku xavisiwa kumbe kuya dlawa.
Tiyisisa leswaku u kambisise kahle rimbewu ra vana lava. Vana va rimbewu ro hambana vatala ku lwa ngopfu kasi varimbewu rin’we aswitalangi valwa naswona nwana wa xinuna uva aringanerile masangu loko ari na 4 wa tinhweti leswinga endlaka leswaku kuva na vana voka vanga languteriwangi.
Translated by Ike Ngobeni