Ku Tirhisiwa ka Phoyizeni ku Lawula Valala

Swidlaya switsotswana kukatsa na hinkwaswo leswi nga endleriwa ku chavisa switsotswana, nhova naku susa fungi swinga tirhisiwa ntsena eka mintirho leyi swinga nedleriwa yona kuya hileswi swinga tsarisiwa xiswona eka swiphakitani. Tani hileswi kungariki na xin’we lexinga tsariseriwa kuva xidlaya valala, aswile nawini ku tisrhisa nkatsakanyo wa switirhisiwa leswi leswaku uta lawula valala va swifuwo. Hambi kuri ku xava kumbe kuxavisa switirhisiwa leswi hi xikongomelo xo dyisa valala va swifuwo phoyizeni aswile nawini.
Xiphiqo xosungula hi phoyizeni hileswaku ayi kongomiseki ka nala wokarhi, leswi swinga kumiwaka hi swiharhi leswi onhaka na leswinga onheki kutani swi fa exikarhi ka swona. Mayimelo eka mintlawa ya valala nawona yanga kanganyiseka, loko leswi swinga onheki eka ntlawa naswona switikumaka swi dlawa hi phoyizeni leyi, leswingata tisa kuvaviseka eka swiharhi.
Ehandle ka leswi, swiharhi swin’wani, ngopfu ngopfu leswingariki na nandzu swotani hi nkoti na tinyenyani tin’wani swinga khumbekaka hiku kongoma kumbe ku hlangana na phoyizeni leyi loko swiri eku dyeni ka mintsumbu ya swiharhi leswinga fa.

Ti Collars Letingana Phoyizeni

Ku tirhisiwa ka ti collars, leti cheriweke Sodium monofluoroacetate (1080) endzeni leswaku tita herisa swiharhi swofana na jakalas ya ntima na Nadzani i ndlela yin’we ntsena leyi pfumeleriweke, kuya hi Predation Management Forum. Hambiswiritano, akuna phoyizeni yin’wana leyinga tirhisiwaka eka ti collars leti naswona ti collars tifanele ku cheriwa naku phakeriwa kusuka eka muphakeri loyi angale nawini kuya hi Hazardous Substances Act, Act 15 of 1973.
Ti collars tifanele kuva ti tirhisiwa ntsena laha kungana swifuwo swintsongo kulawula jakalasi ya ntima na Nadzani loko maendlelo yan’wana yanga tirhangi. Eka tindzhawu leti valala vanga ti nyika matimba, ntlawa lowu wutsundzuxa leswaku van’wamapurasi va vekela swinyimpfana swivekeriwaka collar leyingana phoyizeni kutani swipfaleriwa na tinyimpfu letikulu.
Mbuyelo wa maendlelo lawa hileswaku valala lava khomaka tinyimpfu na timbuti vata dlawa hiti collars letingana phoyizeni. Valala lavanga dlawa hi phoyizeni vafanele ku celeriwa ehansi ka misava kumbe kuhisiwa ku sivela leswaku swiharhi swin’wana swinga dlawi hi phoyizeni endzhaku ko dya nyama ya leswi feke.

Coyote Getters

Swin’wana swa leswi swinga pfumeleriwa hi nawu lowu i Coyote getters – xitirhisiwa lexinga kongomisiwa eka kudlaya swiharhi hikuva xibalesela cyanide endzeni ka nomo wa xiharhi loko xi kanganyisa xitlhakani. Loko leswi swahari ndlela leyi tirhaka kahle swinene yaku tirhana na timbyana letingo tifambela toxe, ahi maendlelo lawa ya hlawulaka naswona yanga, se ke, leswi yisaka phoyizeni eka swihadyana swin’wana, ngopfu ngopfu swihadyani leswintsongo.

Mpfumelelo

Van’wamapurasi vafanele kukuma mpfumelelo kusuka eka Provincial Nature Conservation Authority kuva vatirhisa ti collars ta phoyizeni kumbe coyote getters. Valawuri vatava na swipimelo swohlawuleka loko vahumesa mpumelelo, laha n’winyi wa mpfumelelo a faneleke ku landzelela swipimelo leswi. Coyote getters tifanele kuva tivekeriwa hi va Provincial Conservation Department ku tiyisisa leswaku swipimelo swa landzeleriwa kuya hi swilaveko na maendlelo.

Translated by Ike Ngobeni