Ku Gonoka ka Tinguluve

©Glenneis Kriel
Vugono i xiphiqo lexikulu ngopfu eka kufuya tinguluve. Kuvava loku fambelanaka na vugono swiendla leswaku switika swinene kuva nguluve yikota kufamba leswaku yiya kuma swakudya kumbe kuya kuma mati, leswi hixitalo swivaka na xiave eka rivilo ra makulelo ya nguluve, rihanyo ra tona naku vanga ntshikelelo eka mavabyi lawa ya khomaka tinguluve. Vugono byina xiave lexingariki kahle eka kufuwa tinguluve naswona leswi swivuriwa kuva xivangelo xavumbirhi hivukulu endzhaku ka swiphiqo swo fuwa nakuva tinguluve ta xisati tihatla tihela nkarhi wunga se fika.

Ku Kuma Swiphiqo

©Glenneis Kriel
Kuya hi tsalwa rava South African Pork Producers’ Organisation (SAPPO), Pigs for profit, yihlamusela ku khwita, kutikeriwa ku famba, tinguluve ti tlakusa nenge wun’we loko ti famba, tinguluve ti ala ku pfuka kumbe titsandzeka ku tlakuka laha ti kokakokaka milenge yale ndzhaku naswona yiva yi pfimbile kumbe yikufumela loko yi khumbiwa tani hi swikoweto sw swa leswaku swin’wana aswi tshamisekanga.
Ku kuma swiphiqo swa mikondzo,milenge na swiphiqo swa nhlana, van’wamapurasi vafanele ku hlohletela tinguluve kuva ti tlakuka kutani valanguta hindlela leyi tifambisaka xiswona. Kufanele ku tekeriwa ngopfu enhlokweni leti hatlisaka kuva tishama e hansi rosungula.
Milenge ya tinguluve yifanele kutshama yiri karhi yi langutiwa hi minkarhi hinkwayo kuringeta kukamba kuva swilo swinga tshamisekangi. Tinguluve tina milenge yintsongo kutani miri wuva lowukulu, leswi swiendla leswaku swi olova kuva yipfimba kumbe kuvava ngopfu ngopfu loko yi bihe emirini laha yifaneleke kuva yi rhwala miri wotika swinene kutlula wa ntolovelo. Ndzavisiso wuvula leswaku tinguluve totala ta xisati ti khumbeka swinene hiko kwalaho ka kutikeriwa ku tlakusa milenge, leswi swivula leswaku kuhatla titshunguriwa swinga pfuna ku sivela swiphiqo leswi.
Tsalwa ra tinguluve ra Lameness in Pigs ri hlamusela leswaku van’wamapurasi vafanele kuva vanyika tinguluve ta xisati mbuyelo waku famba famba kusuka eka zero kuya eka nharhu, kuya hiku oloveriwa ka tona ku famba famba eka ndzhawu leyi yinga basa, yi oma, yiva levele naswona yitiya. Kutlunya wa zero wuta komba leswaku akuna vugono byokarhi, laha wa 1 wunga vekeriwaka eka xiharhi lexinga gonoka kantsongo, hi marito yan’wana, leswi fambaka switshunxekile kambe swilanguteka switiyile.
Nkutlunya wa 2 wutaya eka lexinga gonoka kantsongo. Leswi swivula leswaku xiharhi xita khwita kantsongo, kambe xikota ku kondzelela ntiko lowu xinga wu rhwala. Nkutlunya wa 3 wutava eka nguluve leyinga limala swinene naswona yitsandzekaka ku kondzelela ntiko eka eka milenge leyi khumbekaka naswona yi lava nhlohletelo kuva yikota ku famba famba.

Swivangelo

©Glenneis Kriel
Hambi leswi kulimala swinga vangiwaka hikuva xifuwo xinga tswariwanga kahle kumbe xive na swilo leswinga tshamisekangiki, leswi switala kuva swi vangiwa hikutwa kuvava eka tindzhawu leti khumbekaka, laha kunga vaviseka kumbe kuri na mavabyi. Kuya hi The Pig Site, madokodela ya swifuwo vavula leswaku van’wamapurasi vafanele va veka tray leyinga cheriwa lime eka laha kunga cheriwa swakudya kumbe laha swifuwo swinga dyaka swiyimile.Lime yi omisa xikan’we naku chela swinondzwani swa tinguluve minkarhi hinkwayo loko yinghena eka xitichi xa hina, lexinga pfunetaka kusivela kulimala ka swifuwo leswinga vangekaka kusuka eka min’wala.

Translated by Ike Ngobeni