Ibizo elijayelekileko: Sweet Pepper nanyana - Bell Pepper
Ukuqhazwa Kwesitjalo
I-Sweet Pepper sitjalo esithambileko esihlaza esakheke saqanda, esinamakari anepente ekugcineni. I-pepper sitjalo esizimiselako esikhula ngesikhathi saso sokutjalwa, bese siyafa ngemva kokukhiqizwa isithelo. Sihlaza, bomvu, sarulana, mhlophe, phephuli, nzotho, ezinye zinombala welamula. Kunama-bell pepper nekukulapho ibizo lawo livela khona. Kunemihlobo emitjha okghona ukuwa-pruna awatjale godu aveze isidindi esitja, ithuthumbo elitjha kanye nesithelo esitjha angajami. Atjalwa khulu kuma-green house nanyana endaweni ezinobujamo bezulu obufuthumeleko lapha akghona ukuthela ngobunengi.Ukusetjenziswa Kwaso
Ama-pepper asetjenziselwa ukupheka ukungezelela iinthako enyameni kanye nemirhorhweni. Adliwa angakaphekwa kuma-salad begodu ayarostiwa afakwe ezinye izinto, be abhagwe kanye nezinye izinto. Kuthiwa ane-Vitamin C enengi ngokuphindekwe kathathu kuneyelamula.Iimfuneko Zehlabathi kanye Nokulungiselwa Kwawo
Atlhoga ihlabathi evundileko engenwa mamanzi, ngombana imirabhu yayo ingena ifike emasenthimitheni ayi-30 ukuya phasi, ayazwela lokha ihlabathi yomile nanyana inamanzi khulu. Kufanele kutlhogonyelwe kuhle lokha nakathelelelwako. Kufanele kube nobuswe obuhle ehlabathini nanyana i-compost kanye nemetheriyali enganamakhemikhali kufanele ivangwe ehlabathini ngaphambi kokobana atjalwe. I-pH yehlabathi kufanele ibe hlangana kwe-6.2 kanye 7.0., lokha IpH ihlangana nendawo ama-pepper abamahle khulu.Ubujamo Bezulu
Amaphepha zintjalo ezithanda ubujamo bezulu obutjhisako begodu ayazwela lokha kunombethe begodu ayikhuli kuhle lokha amazinga womtjhiso angaphasi kwe-15°C. Iba yihle lokha lokha amazinga womtjhiso webusuku nemini ahlangana kwe-20°C kanye ne-30°C. Lokha isithelo sithoma ukuvuthwa siba sihle lokha kungani izulu ngombana izilu ligcugcuzela kobana ivele iinkowani kanye nemiraro yamanzi lokha ithelelelwako.Ama-Cultivars
Kunemihlobo yamacultivars amakhulu kodwana naka ambalwa: California Wonder, King of the North, Jupiter, Pip, Chocolate Beauty, Keystone, Florida, Banana, Marconi Red, Ballito Sweet Golden, Cape Medallion Cherry kanye ne-King Arthur.Kuhlala kunemihlobo emitjha yama-hybrid asatlanywako abamba aqinisa najamelana neenunwana kanye namalwelwe.
Kodwana kuqhono ukobana uthinte usiyazi wembewu kanye ne-extension service nanyana i-agronomist esendaweni yangekhenu, ikurhelebhe ukukhetheni ama-cultivars alungele ubujamo bezulu bendawo yangekhenu kanye nobujamo behlabathi.
Translated by Busisiwe Skhosana