Purple Roller
Amagama Edume Ngawo
Purple Roller, Rufous-crowned Roller
Igama Lesilatin
Coracias naevia
Ibonakala Ngani
Ubude bazo bugamasentimitha anga 35-40 nesisindo esingamagremu ayi-160. Ubulili bobubili buyafana. Uma uyibukela kude ibukeka insundu nomugqa omhlophe okhakhayini. Ngaphezulu zinombala oluhlaza ngoku-olive, kanti esifubeni inombala oluhlaza oyela kuphephuli, nombala omhlophe kusuka ezansi komlomo, bese iba mpofana ngasemuva. Ngaphansi izimpiko zimnyamana uma zivalekile futhi inomsila oyisikwele, oluhlaza okotshani maphakathi, bese uba phephuli yonke indawo. Emaceleni ekhanda nesingezansi inombala onsundu ngokuphasile oyela kuphephuli nomugqa omhlophe. Uma le nyoni indiza imibala yayo iyagqama.
Zidla Nhloboni Yokudla
Zidla izinambuzane ikakhulukazi izintethe, amabhungayezi, izintuthwane, ofezela, izinyoka, amagundane nezinyoni ezincane.
Mayelana Nokuzala
Zinendawo zazo endle futhi eyesifazane yenza amachwane neyesilisa eyodwa. Zilalela amachwane kusukela ngoMfumfu kuya kuNhlangulana. Zihlala esidlekeni esisodwa iminyaka eminingi futhi zimana zilokhu zisihlola isidleke ngisho kungesiso isikhathi sokuzalela. Amaqanda alezi zinyoni ayindilinga futhi amhloshana ngokucwebezelayo.
Indlela Eziphila Ngayo
Ziyayilwela indawo yazo zixoshe ezinye izinyoni noklebe abancane. Zitholakala zindiza ngayodwa noma ngambili; ezimbili zihlala ngokuqhelelana ezihlahleni. Lezi zinyoni azinawo umsindo kakhulu futhi kazinayo imizimba elula njengezinye.
Ziphila Kuphi
Zithanda amahlathi namathafa avulekile, kodwa zidinga izihlahla ezinkulu ukuzalela. Zithanda kakhuli izindawo ezifudumele futhi eziqondile.
Zitholakala Kuphi
Le yinyoni yase-Afrika. Zisabalele iNingizimu Afrika yonke kodwa zithanda zande kakhulu ezindaweni ezomile ezinezihlahla.
