Narrow-leaved Turpentine Grass

Igama

Igama lesiLatini

Cymbopogon plurinodis

Ukusetshenziswa

Lobu tshani izilwane eziningi azithandi ukubudla ngenxa yamafutha abo abenza bubabe emlonyeni. La mafutha anamakhemikhali ayi-17, okubalwa kuwo i-piperitol ne-delta-nerolidol.

Incazelo

Lobu tshani, obukhula bube yisiqundu, bunamaqabunga angamamilimitha amabili kuya kwamahlanu ubukhulu. Intshakaza yalobu tshani inezimbali ezingaba yizishiyagalombili. Lobu tshani abudleni nhlobo ezilwaneni ngaphandle uma busanda kuhluma.

Indawo obukhula kuyo

I-Narrow leaved turpentine grass ikhula emadlelweni nasezindaweni ezivulekile ezingamathafa. Lobu tshani bukhula kulo lonke uhlobo lomhlabathi, yize buthanda ovundile lapho bukhula busabalale. Butholakala ezindaweni eziningi kwelase-Afrika.

Izimbali

Lobu tshani buqhakaza izimbali ngoMfumfu kuya kuNhlaba.