Weeping Boer Bean

© Roger de la Harpe

Vito

Weeping Boer Bean [Schotia brachypetala]

Mavito yanwani

Huilboerboon, Tree Fuchsia, and African Walnut

Manghenelo

Kusaseka ka mabilomu ya nsinya lowu ya vonaka hi muhlovo wosaseka, swirhabyani swiyimeke kahle. Mabilomu ya na swakudya leswinga tala swinene leswi khapaka Kunene leswi endlaka leswaku nsinya lowu wuthyiwa vito ra nsinya lowu rilaka hi xilungu.

Nhlamuselo

Nsinya lowu wuna xivumbeko xa kahle swinene awu lehangi ngopfu kambe wuna marhavi lawa ya endlaka leswaku ku tlhuma laha wunga kona. Wuna tshindi rinwe nkarhi wunwana wuva na marhavi yale hansi swinene. Nsinya lowu wukota kufikelela 22 m hiku leha kambe hi xitalo yiva kwalomu ka 11 kuya ka 16m laha yihangalaka kusuka eka 10 kuya ka 15m. Tshindi ra nsinya lowu ritiyerile riva ra buraweni kuva eka mpunwa hi muhlovo. Matluka ya wona yava himintlawa yoringana 4 kuya eka 6.
Eka tindzhawu leti hisaka nsinya lowu wutshama wuri rihlaza. Kasi lomu ku titimelaka wupfa wu dzudza matluka kuringana xinkarhani hi xixika kuya eka ximunwana.

Mabilomu

Mabilomu yakona ya fuwile swinene yava na muhlovo wotshuka naswona ya bloma hi xitalo eka marhavi lawa yanga tlhuma, marhavi ya kona ya tlhava eka lawa ya khala hi ximunwana ekikarhi ka (August na November). Mabilomu ya huma himinkarhi yohambana hambana kambe wungava wuri kule na nsinya lowu nga humeku mabilomu. Tani hileswi swinyenyani swidyaka mabilomu ya nsinya lowu swiendla leswaku switshama swiri nsinyeni lowu.

Mihandzu

Mihandzu yakona yitiyile swinene, yifana na rihunyi, kwalomu ka 20mm leyingana voya bya xitshopani. Mihandzu yakona yibaleka yiri ensinyeni eka nguva ya ximumu (February kuya eka May).

Switirhisiwa

Nsinya lowu wurhandziwa ngopfu hi swinyenyani, swiharhi na switsotswana naswona wuna huwa swinene. Swinyenyani leswi dyaka switsotswani switsakisiwa hi mabilomu. Timfenhe na tintohetidya mabilomu na mbewu ya kona kasi matluka ya dyiwa hiswiharhi.
Nsinya lowu wutirhisiwa swilo swotala. Mahanti ya wona yatirhisiwa kutshungula mavabyi na babalaza. Mahanti loko ya katsiwa na timintsu ta wona swibasisa na ngati, ku chuluka. Mbewu ya kona ya dyiwa endzhaku kaloko yi katingiwile hambi leswi tingari na mafurha. Kuna tinxaka leti tinga duma hiku dya mbewu leswi vanga swidyondza eka rixaka ra ma Khoikhoi. Mahanti yakona yatirhisiwa ku endla dayi ya muhlovo wotshuka kuya eka buraweni. Ntsandzawutiyerile swinene naswona wutirhisiwa ku endla fenichara.
Tihunyi ta kona tiva tiri pink kuya eka mpunwe. Mbilu yakona wuya eka ntima naswona awu dyiwi hi muhlwa kumbe ku bola naswona wutirhisiwa ngopfu ku endla fenichara na mapulanga yo endla floor. Yitlhela yitirhisiwa ngopfu ku endla mintsandza ya xigolonyana.

Vutshamo

Nsinya wa Weeping Boer Bean wukumeka eka tindzhawu letinga oma enhoveni, lomu kungana minsinya leyikulu nale swihlahleni swotlhuma etibuweni ta milambu na swinkobyani kumbe laha akuri na xitshuka xa majenje kumbe muhlwa.

Laha yikumekaka kona

Minsinya leyi yikumeka eka tindzhawu tale hansi le Umtata e Eastern Cape, kuya Kwazulu Natal, Swazilad, Mpumalanga, Limpopo kuya le Mozambique.

Vito ra xi Latin

Schotia brachypetala.
Nsinya lowu wutekiwa tani hi nsinya lowu kalaka swinene kuya hi ma Greek.