Nhlamuselo ya Ximilani
Brinjal i ximilani lexingana matluka ya kulu ya rihlaza roka ringa vonikeli ritlhela rivana mavoya nyana. Xikula kuringana mitara yin’we hiku leha.
Mabilomu lawa ya vaka kona kungaseva na mihandzu iya muhlovo wa purple wo dzwihala kuya eka ntima naswona tinxaka tin’wana i tobasa hikwalaho yingana vito ra Egg fruit hikuva rina xivumbeko xa oval kufana na tandza.
Switirhisiwa
Eggplant kumbe Brinjal yi dyiwa katingiwile, stuffed, roasted, kumbe yiri eka supu na stews kumbe eka ti kebabs, naku tlhela yitirhisiwa eka ti curries nati stir-fries.Swilaveko swa Misava na Ndzulamiso
Brinjal yitsakela misava ya sandy loam leyi tswongaka kahle mati. Ximilani lexi xi hanya kahle eka misava leyingana pH yale xikarhi ka 5.5 na 6.5.
Misava leyi yifanele ku lulamisiwa yiri na organic matter yale henhla eka misava yale henhla ya 40 cm tani hileswi timintsu timilaka kona nakukula. Loko kungase cheriwa manyorho eka misava leyi yifaneleke ku byariwa eka yona, yifanele ku rimiwa eka ku enta kufika eka 100 cm tani hileswi timintsu ta ximilani xa Brinjal tikotaka ku nghenelela kuringana mitara yin’we.
Ndzhawu yobyala yifanele kundlaleriwa kutiyisisa leswaku misava yale henhla yibasile no leveriwa. Varimi van’wana vabyala swimilani leswi eka ti beds leswaku kutava na kunghenelela lokukulu.
Maxelo
Brinjal i ximilani lexi tsakelaka maxelo yo kufumela naswona xisungule kubyariwa naswona xihanya kahle eka tindzhawu ta subtropical na tropical.
Xitlhela ximila eka tindzhawu to kufumela ta Mediterranean. Ximilani lexi axi kumani na gwitsi naswona kukula aswivi kahle loko maxelo ayari e hansi ka 16°C. Axi hanyi kahle loko mahiselo yari e henhla ka 35°C.
Mbuyelo wa kahle wufikeleriwa loko Brinjal yibyariwa eka tindzhawu leti mahiselo ya nanhlekani na navusiku ya cinca cinca exikarhi ka 18°C na 28°C.