Red Grass
Vito
Red grass kumbe rooi grass (Themeda triandra)
Nhlamuselo
Red grass rikula kufika eka1.5 m hiku leha laha tluka rakona ringa kwala ka 8 mm hiku anama. Ritlhela riphambarala kahle. Nhlohlorhi ya tluka leri onge ahi ya mampela, yicinkinya kahle le makumu hihala ko tlhava ka rona laha ringana xivumbeko xa V. Hi ximumu byasi lebyi bya dyeka swinene kambe hi xixika ribyasi leri ra cinca ritiyela, ritontswa ritlhela ritshuka.
Switirhisiwa swa Red Grass
Red grass i byasi lebyi kombisaka nhova leyi yingana misava yakahle naleswaku yile ka xiyimo xa kahle xa rihanyu. Byasi lebyi bya pona eka ritshwa naswona loko kutshuka kutshwile byasi lebyi byamila hinhlayo leyikulu swinene loko nhova yitshama yiri karhi yitshwa, nakona loko kudyiwe ngopfu hi swifuwo.
Vutshamo bya Red Grass
Red grass i byasi lebyi kumekaka hinkwako e dzongeni nale vuhuma dyambu bya Afrika, xikan’we nale ka tindzhawu tinwana ta misava. Byi mila eka tinxaka tihi na tihi ta misava kambe byi tsakela ngopfu misava ya vumba. Byasi lebyi byi mila kahle eka madyelo lawa yanga kavanyetiweki yopfuleka e grassland nale bushveld laha mpfula yinaka swinene. Byi tala ku kumeka kwalomu ka 1300 kuya eka 3000 m ehenhla ka lwandle.
Mabilomu ya Red Grass
Byasi lebyi byi humesa mabilomu exikarhi ka nhweti ya October kuya eka July.
Swo switiva
Byasi bya Red grass byi dyiwa ngopfu hi tinxaka to hlaya ta swinyenyani naswona i swakudya swa kahle swa swifuwo. Sweswo swiendla leswaku kuva byasi bya nkoka eka van’wamapurasi. Byi tiveka ngopfu hi vito ra rooi gras, e Afrika Dzonga, leswivulaka byasi byo tshuka hi Afrikaans.
