Red Grass
Rooigras
Naam
Rooigras
Latynse naam
Themeda triandra
Beskrywing
Rooigras het ’n lengte van tot 1.5 m en dit is ’n polvormige meerjarige gras met 8 mm blaarskywe. Die bloeiwyse is ’n valse saamgestelde tros van hangende, V-vormige are. Die gras is smaaklik in die somermaande, maar dit word rooi en bros in die winter.
Gebruike
Rooigras is bestand teen vuur en sal toeneem, indien oorbeweiding nie plaasvind nie, as ’n veld gereeld gebrand word. Rooigras is ’n goeie aanduiding van veld wat in ’n goeie toestand is.
Habitat
Rooigras kom volop in ongesteurde oop grasvelde en bosveld gebiede met ’n gemiddelde hoë reënval voor. Dit is veral algemeen op ’n hoogte van 1 300 - 3 000 m bo seespieël. Dit groei in enige tipe grond, maar meestal in kleigrond. Rooigras word regdeur suidelike en oostelike Afrika en in baie lande regoor die wêreld aangetref.
Blomme
Oktober tot Julie
Notas
Rooigras is een van die belangrikste grasspesies vir boere, aangesien dit voeding is vir vee en dit is ook kos vir ’n aantal voëlspesies. Algemeen bekend in Suid Afrika met die Afrikaanse naam rooigras.
